വയനാട്‌: ജില്ലയില്‍ 219 പേര്‍ക്ക് കൂടി കൊവിഡ് സ്ഥിരീകരിച്ചു. ഇതില്‍ ഒരു ആരോഗ്യ പ്രവര്‍ത്തക ഉള്‍പ്പെടെ 216 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. രോഗം സ്ഥിരീകരിച്ചവരില്‍ മൂന്ന് പേര്‍ ഇതര സംസ്ഥാനങ്ങളില്‍ നിന്നും വന്നവരാണ്. ഇതോടെ ജില്ലയില്‍ രോഗം സ്ഥിരീകരിച്ചവരുടെ എണ്ണം 14,428 ആയി.
ഇന്ന് 192 പേര്‍ക്ക് രോഗം ഭേദമായി. ജില്ലയില്‍ ഇതുവരെ 12,173 പേര്‍ രോഗമുക്തരായി. 86 കൊവിഡ് മരണങ്ങളും ഇതുവരെ റിപ്പോര്‍ട്ട് ചെയ്‌തു. ജില്ലയില്‍ നിലവില്‍ ചികിത്സയിലുള്ളത് 2,169 പേരാണ്. ഇവരില്‍ 1,416 പേര്‍ വീടുകളിലാണ് ചികിത്സയിലുള്ളത്.
