വയനാട്: ജില്ലയിലെ ആദ്യ ഗ്രന്ഥാലയമായ പഴശ്ശിരാജ സ്മാരക ഗ്രന്ഥാലയം നൂറിന്‍റെ നിറവില്‍. 1918 ല്‍ മാനന്തവാടി റീഡിംഗ് റൂമെന്ന പേരില്‍ ബ്രിട്ടീഷുകാർ തുടങ്ങിയ ഗ്രന്ഥാലയമാണ് ഒരു നൂറ്റാണ്ട് പിന്നിടുന്നത്. 1927 ല്‍ പണിത കെട്ടിടത്തിലായിരുന്നു ഗ്രന്ഥാലയം 1996 വരെയും പ്രവര്‍ത്തിച്ചിരുന്നത്. മികച്ച ഗ്രന്ഥാലയത്തിനുള്ള ഇ എം എസ് അവാര്‍ഡ് അടക്കം നിരവധി പുരസ്കാരങ്ങള്‍ ഗ്രന്ഥാലയത്തെ തേടിയെത്തിയിട്ടുണ്ട്. വയനാട്ടിലെ സാമൂഹ്യ- സാംസ്കാരിക രംഗങ്ങളില്‍ നിരവധി സംഭാവനകള്‍ നല്‍കിയ ഗ്രന്ഥാലയം ജില്ലയിലെ ആദ്യ എ പ്ലസ് ഗ്രന്ഥാലയം കൂടിയാണ്. പരിസ്ഥിതി, കല, സാംസ്കാരികം, വിദ്യാഭ്യാസം തുടങ്ങിയ രംഗങ്ങളിൽ ഉപസമിതികളും ഗ്രന്ഥാലയത്തിന്‍റെ ഭാഗമായി പ്രവര്‍ത്തിക്കുന്നു. 6000 ത്തോളം ആളുകള്‍ ഗ്രന്ഥാലയത്തില്‍ അംഗങ്ങളാണ്.
നൂറിന്‍റെ നിറവില്‍ ഗ്രന്ഥാലയ മുത്തശ്ശി
