സ്ഥാനാർഥി നിർണയത്തിനെതിരെ പി.കെ അനിൽകുമാർ

വയനാട് ജില്ലാ പഞ്ചായത്തിലേക്കുള്ള കോൺഗ്രസ് സ്ഥനാർത്ഥി നിർണയത്തിനെതിരെയാണ് പി.കെ അനിൽകുമാർ വിമർശനം ഉയർത്തിയത്.

വയനാട്: ജില്ല പഞ്ചായത്തിലേക്കുള്ള കോൺഗ്രസ് സ്ഥാനാർഥി നിർണയത്തിനെതിരെ രൂക്ഷ വിമർശനം. എ ഗ്രൂപ്പ് നേതാവും ഡി.സി.സി ജനറൽ സെക്രട്ടറിയുമായ പി.കെ അനിൽകുമാറാണ് വിമർശനവുമായെത്തിയത്.

ഗ്രൂപ്പ് കളിക്ക് നേത്യത്വം നൽകുന്ന നേതാക്കളുടെ പെട്ടി ചുമക്കുന്നവർക്കാണ് സ്ഥാനാർഥിത്യം നൽകിയതെന്നും രാഹുൽ ഗാന്ധിയുടെ മണ്ഡലത്തിൽ ജില്ലാ പഞ്ചായത്ത് ഭരണം നഷ്ടമാകുന്ന അവസ്ഥയാണെന്നുമാണ് അനിൽ കുമാറിന്‍റെ ആരോപണം.