സഹവാസ ക്യാമ്പിനെത്തിയ വിദ്യാര്‍ഥികള്‍ക്ക് ഭക്ഷ്യ വിഷബാധ
തിരുവനന്തപുരം: ആറ്റിങ്ങല്‍ ഇളമ്പ ഗവണ്‍മെന്‍റ് ഹൈസ്‌കൂളിലെ സഹവാസ ക്യാമ്പില്‍ പങ്കെടുത്ത വിദ്യാര്‍ഥികള്‍ക്ക് ഭക്ഷ്യ വിഷ ബാധ. ക്യാമ്പില്‍ പങ്കെടുത്ത ഗവ ഗേൾസ് ഹയർ സെക്കൻഡറിലെ 20 വിദ്യാര്‍ഥികള്‍ക്കാണ് ഭക്ഷ്യ വിഷബാധയേറ്റത്. രാവിലെ പ്രഭാത ഭക്ഷണം കഴിച്ചതിനെ തുടര്‍ന്ന് ശാരീരിക അസ്വസ്ഥത അനുഭവപ്പെട്ട മൂന്ന് വിദ്യാര്‍ഥികള്‍ കുഴഞ്ഞ് വീഴുകയായിരുന്നു.
ഇവരെ ഉടന്‍ തന്നെ ആറ്റിങ്ങൽ വലിയകുന്നിലെ ഗവണ്‍മെന്‍റ് ആശുപത്രിയില്‍ പ്രവേശിപ്പിച്ചു. തുടര്‍ന്ന് ശാരീരിക അസ്വസ്ഥത അനുഭവപ്പെട്ട മറ്റ് 17 വിദ്യാര്‍ഥികളെ കൂടി ആശുപത്രിയിലേക്ക് മാറ്റി.
