തിരുവനന്തപുരം: രാജ്യസഭയിലേക്ക് എതിരില്ലാതെ തെരെഞ്ഞെടുക്കപ്പെട്ട അംഗങ്ങളുടെ ഔദ്യോഗിക പ്രഖ്യാപനം ഇന്നുണ്ടാകും. കേരളത്തില്‍ നിന്ന് ഒഴിവ് വന്ന മൂന്ന് സീറ്റുകളിലേക്ക് മൂന്ന് പേരാണ് നാമനിര്‍ദേശപത്രിക സമര്‍പ്പിച്ചിരുന്നത്. എല്‍ഡിഎഫില്‍ നിന്ന് എ.എ റഹീം, പി സന്തോഷ് കുമാര്‍, യുഡിഎഫ് സ്ഥാനാര്‍ഥയായി ജെബി മേത്തര്‍ എന്നിവരെയാണ് രാജ്യസഭയിലേക്ക് എത്തുക.
എ.കെ.ആന്‍റണി, എം.വി.ശ്രേയാംസ്‌കുമാര്‍, സോമപ്രസാദ് എന്നിവര്‍ കാലാവധി പൂര്‍ത്തിയാക്കിയ ഒഴിവിലേക്കാണ് തെരഞ്ഞെടുപ്പ്. നിലവിലെ നിയമസഭയിലെ അംഗബലം അനുസരിച്ച് രണ്ട് സീറ്റ് വിജയിപ്പിക്കാനുള്ള അംഗങ്ങള്‍ എല്‍.ഡി.എഫിനും ഒരാളെ വിജയിപ്പിക്കാനുള്ള അംഗബലം യു.ഡി.എഫിനും ഉണ്ട്.
പത്രിക പിന്‍വലിക്കേണ്ട അവസാന ദിവസം ഇന്നാണ്. മാര്‍ച്ച് 31 നാണ് തെരഞ്ഞെടുപ്പ് പ്രഖ്യാപിച്ചിരുന്നത്. അംഗങ്ങളെ എതിരില്ലാതെ തെരഞ്ഞെടുത്തതിനാല്‍ ഇനി തെരഞ്ഞെടുപ്പുണ്ടാകില്ല.
Also read: ഇന്ധന വിലവർധനവ്; രാജ്യസഭയില്‍ അടിയന്തര പ്രമേയത്തിന് നോട്ടീസ് നല്‍കി ബിനോയ് വിശ്വം
