തിരുവനന്തപുരം : പേരൂർക്കടയിൽ വാട്ടർ അതോറിറ്റിയുടെ ജലവിതരണ പൈപ്പ് പൊട്ടിയതിനെ തുടര്‍ന്ന നഗരത്തില്‍ പലയിടങ്ങളിലും ജല വിതരണം മുടങ്ങി. അമ്പലംമുക്കിന് സമീപം രാവിലെ ആറു മണിയോടെയാണ് 700എംഎം പ്രെമോ പൈപ്പ് പൊട്ടിയത്. തുടര്‍ന്ന് അമ്പലംമുക്ക്, കവടിയാർ, പട്ടം, പൊട്ടക്കുഴി, കേശവദാസപുരം, മെഡിക്കൽ കോളേജ് , ഉള്ളൂർ, പരുത്തിപ്പാറ ,മുട്ടട എന്നിവിടങ്ങളിലാണ് ജല വിതരണം മുടങ്ങിയത്. വാട്ടർ അതോറിറ്റി ഉദ്യോഗസ്ഥർ സ്ഥലത്തെത്തി അറ്റകുറ്റപ്പണികൾ ആരംഭിച്ചു. പൈപ്പിന്റെ കാലപ്പഴക്കമാണ് പൈപ്പ് പൊട്ടാന്‍ കാരണമെന്ന് ഉദ്യോഗസ്ഥർ പറഞ്ഞു. രാത്രിയോടെ ജലവിതരണം പുനസ്ഥാപിക്കാൻ കഴിയുമെന്നാണ് പ്രതീക്ഷ.
പൈപ്പ് പൊട്ടി; തിരുവനന്തപുരം നഗരത്തില്‍ ജല വിതരണം മുടങ്ങി
