ഇന്ധനവില വീണ്ടും കൂട്ടി; തിരുവനന്തപുരത്ത് പെട്രോളിന് 110 രൂപ കടന്നു

പെട്രോളിന് 35 പൈസയും ഡീസലിന് 37 പൈസയുമാണ് ബുധനാഴ്‌ച വര്‍ധിപ്പിച്ചത്.

തിരുവനന്തപുരം: സംസ്ഥാനത്ത് ഇന്ധനവില വീണ്ടും കൂട്ടി. പെട്രോൾ ലിറ്ററിന് 35 പൈസയും ഡീസല്‍ ലിറ്ററിന് 37 പൈസയുമാണ് വര്‍ധിപ്പിച്ചത്. ഇതോടെ, തിരുവനന്തപുരത്ത് പെട്രോളിന് 110 രൂപയും 45 പൈസയും ഡീസലിന് 104 രൂപയും 14 പൈസയുമായി.

കൊച്ചിയിൽ പെട്രോളിന് 108.25, ഡീസലിന് 102.06, കോഴിക്കോട് പെട്രോളിന് 108.39, ഡീസല്‍ 102.20 എന്നിങ്ങനെയാണ് നിരക്ക്. ഒരു മാസത്തിനിടെ പെട്രോളിന് 6.42 രൂപയും ഡീസലിന് 8.12 രൂപയുമാണ് വര്‍ധിപ്പിച്ചത്.