തിരുവനന്തപുരം: ബാലഭാസ്ക്കറിന്‍റെ മരണവുമായി ബന്ധപ്പെട്ട് മൊഴി നൽകിയതിൽ പൊലീസ് സംരക്ഷണം ആവശ്യപ്പെട്ട് കലാഭവൻ സോബി ജോർജ്. ക്രൈംബ്രാഞ്ചിന് മൊഴി നൽകിയതിന് ശേഷം ഫോണിൽ ഭീഷണി സന്ദേശം ലഭിച്ചതിനെ തുടർന്നാണ് കോടതിയെ സമീപിക്കുന്നത്. മൊഴി നൽകിയതിന് ശേഷം കോതമംഗലത്തുള്ള സോബിയുടെ സ്ഥാപനത്തിന്റെ ഫോട്ടോ അജ്ഞാതൻ പകർത്തിയതും സംശയമുണർത്തുന്നതായി സോബി ഇ.ടി.വി ഭാരതിനോട് വെളിപ്പെടുത്തി. പൊലീസ് സംരക്ഷണം ആവശ്യപ്പെട്ട് കോതമംഗലം ഊന്നുകൽ പൊലീസ് സ്റ്റേഷനിലും കലാഭവൻ സോബി ജോർജ് പരാതി നൽകി.
സോബി ജോർജുമായി റിപ്പോർട്ടർ നടത്തിയ ഫോൺ സംഭാഷണം
ബാലഭാസ്കറിന്‍റെ മരണം അപകടമരണമല്ലെന്നും അപകടസ്ഥലത്ത് കണ്ടവരെ തനിക്ക് തിരിച്ചറിയാൻ സാധിക്കുമെന്നും ക്രൈംബ്രാഞ്ചിന് കലാഭവന്‍ സോബി മൊഴിനൽകിയിരുന്നു.
