തിരുവനന്തപുരം: വിഴിഞ്ഞം തുറമുഖത്തിൻ്റെ പുലിമുട്ട് നിർമാണം വേഗത്തിലാക്കുമെന്ന് തുറമുഖ മന്ത്രി അഹമ്മദ് ദേവർകോവിൽ. പാറയുടെ ലഭ്യത തുറമുഖ നിർമാണത്തെ ബാധിക്കില്ല. പാറയുടെ ലഭ്യത ഇരട്ടിയാക്കും.
വിഴിഞ്ഞം പുലിമുട്ട് നിര്‍മാണം വേഗത്തിലാക്കുമെന്ന് മന്ത്രി അഹമ്മദ് ദേവര്‍കോവില്‍
ഇതിനായുള്ള നടപടികൾ തുറമുഖ നിർമാതാക്കളായ അദാനി ഗ്രൂപ്പ് സ്വീകരിച്ചിട്ടുണ്ട്. നിലവിൽ പ്രതിദിനം 15,000 ടൺ ആണ് വേണ്ടത്. ഈ വർഷത്തെ പുലിമുട്ട് നിർമ്മാണത്തിന് വേണ്ട പാറ ലഭ്യമാണ്.
കൂടുതൽ പാറ കൊണ്ടുവരാൻ ബാർജുകളുടെ എണ്ണം വർധിപ്പിച്ചതായും മന്ത്രി നിയമസഭയിൽ വ്യക്തമാക്കി. സംസ്ഥാനത്തെ ചെറുതുറമുഖങ്ങളുടെ വികസനത്തിന് വിഴിഞ്ഞം തുറമുഖം വഴിയൊരുക്കുമെന്നും മന്ത്രി കൂട്ടിച്ചേര്‍ത്തു.
