പത്തനംതിട്ട: 'റെഡ് ഈസ് ബ്ലഡ് കേരള' ചാപ്റ്ററിനെ തുടർന്ന് ജില്ലയില്‍ നടത്തിയ 13 രക്തദാന ക്യാമ്പുകളുടെ പ്രവര്‍ത്തനങ്ങളും രക്തദാന ബോധവല്‍ക്കരണവും ഉള്‍പ്പെടുത്തി തയാറാക്കിയ വീഡിയോ ജില്ലാ കലക്‌ടർ പി.ബി. നൂഹ് പ്രകാശനം ചെയ്‌തു. പത്തനംതിട്ട ജനറല്‍ ആശുപത്രി ബ്ലഡ് ബാങ്ക് കൗണ്‍സിലര്‍ എം. എസ് സുനിതയ്ക്ക് നല്‍കിയാണ് ജില്ലാ കലക്‌ടർ വീഡിയോ പ്രകാശനം ചെയ്‌തത്.
ഗാനങ്ങളുടെ വരികള്‍ രചിച്ചത് ജയേഷ് പിള്ള റാന്നി. ഗാനങ്ങള്‍ ആലപിച്ചിരിക്കുന്നത് സുമേഷ് അയിരൂര്‍, ലിന്‍ഡ കുന്നിലേത്ത്, അശ്വതി സുമേഷ്. ലിജിന്‍ കുന്നിലേത്ത് സംഗീത സംവിധാനം നിര്‍വഹിച്ചു. ലോക്ക് ഡൗൺ കാലത്ത് രക്തദാനം പ്രോല്‍സാഹിപ്പിക്കുന്നതിനായി റെഡ് ഈസ് ബ്ലഡ് കേരള പത്തനംതിട്ട ചാപ്റ്റര്‍ പത്തനംതിട്ട ജനറല്‍ ആശുപത്രിയില്‍ 13 രക്തദാന ക്യാമ്പുകളാണ് സംഘടിപ്പിച്ചത്.
