പാലക്കാട്: അന്താരാഷ്ട്ര റാങ്കിങ്ങില്‍ മികച്ച മുന്നേറ്റവുമായി ലോങ് ജംപ് താരം ശ്രീശങ്കർ. ജൂലൈ 30ന് പുതിയ റാങ്കിങ് പട്ടിക പുറത്ത് വന്നപ്പോൾ 23ാം സ്ഥാനത്താണ് ഈ പാലക്കാടുകാരൻ.
നേരത്തെ 46ാം സ്ഥാനത്തായിരുന്ന ശ്രീശങ്കർ 23 സ്ഥാനങ്ങൾ മെച്ചപ്പെടുത്തിയാണ് പുതിയ നേട്ടത്തിലെത്തിയത്. അടുത്തിടെ നടന്ന അഞ്ച് അന്താരാഷ്ട്ര ചാമ്പ്യൻഷിപ്പുകളില്‍ നാല് സ്വർണവും ഒരു വെള്ളിയുമടക്കം അഞ്ച് മെഡലുകൾ സ്വന്തമാക്കി ഈ യുവതാരം ശ്രദ്ധനേടിയിരുന്നു.
ഓഗസ്റ്റിൽ ലഖ്നൗവിൽ നടക്കുന്ന ഇന്‍റർ സ്റ്റേറ്റ് മീറ്റാണ് ശ്രീശങ്കറിന്‍റെ അടുത്ത മത്സരവേദി. 2020 ടോക്കിയോ ഒളിമ്പിക്സിൽ ഇന്ത്യയുടെ മെഡൽ പ്രതീക്ഷ കൂടിയാണ് പാലക്കാട് വിക്ടോറിയ കോളജിലെ ഈ മൂന്നാം വർഷ ബിരുദ വിദ്യാർഥി.
