പാലക്കാട്: ആലത്തൂർ മണ്ഡലത്തിലെ യുഡിഎഫ് സ്ഥാനാർഥി രമ്യ ഹരിദാസിനെതിരെ വിവാദ പരാമർശം നടത്തിയെന്ന പരാതിയിൽ എൽഡിഎഫ് കൺവീനർ എ വിജയരാഘവനെതിരെ കേസെടുക്കേണ്ടെന്ന് നിയമോപദേശം. അധിക്ഷേപിക്കുന്ന തരത്തിലുള്ള പ്രസംഗം നടത്തിയിട്ടില്ലെന്ന് ഡയറക്ടർ ജനറൽ ഓഫ് പ്രോസിക്യൂഷൻ നിയമോപദേശം നൽകിയതിനെ തുടർന്നാണ് തീരുമാനം. മലപ്പുറം എസ് പി പ്രതീഷ് കുമാറാണ് തൃശൂർ റേഞ്ച് ഐ ജി അജിത് കുമാറിന് റിപ്പോർട്ട് നൽകിയത്. തനിക്ക് നീതി നിഷേധിക്കപ്പെട്ടുവെന്ന് രമ്യ ഹരിദാസ് പ്രതികരിച്ചു. മുഖ്യമന്ത്രിയുടെ ഓഫീസിലെ തൂപ്പുകാരന്‍റെ നിലവാരത്തിലേക്ക് ഡിജിപി താഴ്ന്നുവെന്ന് രമ്യ വിമര്‍ശിച്ചു. ഇനി കോടതിയിലാണ് പ്രതീക്ഷയെന്നും രമ്യ. എ വിജയരാഘവനെതിരെ നിയമനടപടിയുമായി മുന്നോട്ട് പോകുമെന്ന് പ്രതിപക്ഷ നേതാവ് രമേശ് ചെന്നിത്തല അറിയിച്ചു.
രമ്യ ഹരിദാസിനെതിരായ പരാമർശത്തിൽ കേസെടുക്കേണ്ടതില്ലെന്ന് നിയമോപദേശം
