കോഴിക്കോട്: മരക്കൊമ്പ് പൊട്ടിവീണ് അധ്യാപകന് ദാരുണാന്ത്യം. ഉള്ളിയേരി എ.യു.പി സ്‌കൂള്‍ അധ്യാപകൻ പുതുക്കുടി മുഹമ്മദ് ഷെരീഫാണ് മരിച്ചത്. നന്മണ്ട അമ്പലപ്പൊയിലിൽ വെച്ചാണ് അപകടം ഉണ്ടായത്.
രാവിലെ മടവൂരിലെ വീട്ടിൽ നിന്നും ബൈക്കിൽ സ്‌കൂളിലേക്ക് പോകും വഴിയാണ് അപകടം. മരക്കൊമ്പിനടിയിൽ അകപ്പെട്ട ഷെരീഫിനെ തൊട്ടടുത്ത ബാലുശ്ശേരി താലൂക്ക് ആശുപത്രിയിൽ എത്തിക്കുമ്പോഴേക്കും മരണം സംഭവിച്ചിരുന്നു.
തേക്ക് മരം വീണ് മൂന്ന് മരണം: ഈരാറ്റുപേട്ട മുട്ടം കവലയ്‌ക്ക് സമീപം തേക്കുമരം കടപുഴകി വീണ് ഓട്ടോ ഡ്രൈവര്‍ പത്താഴപ്പടി പുത്തന്‍ വീട്ടില്‍ ഫാറൂണ്‍(19), യാത്രക്കാരന്‍ കാരയ്‌ക്കാട് മുഹമ്മദ് ഇസ്‌മായില്‍ (68) എന്നിവര്‍ക്ക് പരിക്കേറ്റു. അപകടത്തില്‍ ഓട്ടോറിക്ഷ പൂര്‍ണമായി തകര്‍ന്നു. ഇസ്‌മായിലിനെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
ടൗണിലെ വ്യാപാര സ്ഥാപനങ്ങളുടെ ഫ്ലെക്‌സ്‌ ബോര്‍ഡുകള്‍, പോസ്‌റ്റുകള്‍ എന്നിവ കാറ്റത്ത് തകര്‍ന്നു വീണതായും റിപ്പോര്‍ട്ട് ചെയ്‌തു. പാല, കാഞ്ഞിരപ്പള്ളി, തൊടുപുഴ റോഡുകളില്‍ മരം വീണതിനെ തുടര്‍ന്ന് വാഹന ഗതാഗതം തടസപ്പെട്ടു.
ഇക്കഴിഞ്ഞ മെയ്‌ 19ന് കോട്ടയത്തുണ്ടായ വേനല്‍മഴയിലും വന്‍ നാശനഷ്‌ടമാണ് റിപ്പോര്‍ട്ട് ചെയ്‌തത്. ഉച്ചയ്‌ക്ക് ശേഷം മഴയ്‌ക്കൊപ്പമെത്തിയ അതിശക്തമായി കാറ്റില്‍ ഈരാട്ടുപേട്ടയിലും സമീപ പ്രദേശങ്ങളിലും പതിനായിരക്കണക്കിന് രൂപയുടെ നാശനഷ്‌ടമാണ് സംഭവിച്ചത്. വീശിയടിച്ച കാറ്റില്‍ മരം വീണ് നാല് പേര്‍ക്കാണ് പരിക്കേറ്റത്. മഴയില്‍ ആറ് വീടുകള്‍ക്കും മുരിക്കോലി അങ്കണവാടിക്കും കേടുപാടുകള്‍ ഉണ്ടായി. ഈരാറ്റുപേട്ട, തലപ്പലം, കൊണ്ടൂര്‍ വില്ലേജുകളിലായിരുന്നു കൂടുതല്‍ നാശനഷ്‌ടങ്ങള്‍ റിപ്പോര്‍ട്ട് ചെയ്‌തത്.
കനത്ത മഴയില്‍ വന്‍ നാശനഷ്‌ടം: കഴിഞ്ഞ മാസം കോട്ടയം ജില്ലയിലുണ്ടായ വേനല്‍മഴയില്‍ കനത്ത നാശനഷ്‌ടമാണ് റിപ്പോര്‍ട്ട് ചെയ്‌തത്. മഴയ്‌ക്കൊപ്പം എത്തിയ കാറ്റില്‍ ഈരാറ്റുപേട്ടയിലും സമീപ പ്രദേശങ്ങളിലും വന്‍ നാശനഷ്‌ടമാണ് ഉണ്ടായത്. മരം വീണതിനെ തുടര്‍ന്ന് നാല് പേര്‍ക്ക് പരിക്കേറ്റിരുന്നു. റോഡുകളിലേയ്‌ക്ക് മരം വീണതോടെ പ്രദേശത്ത് ഗതാഗതം തടസപ്പെട്ടു. ഏഴ് കെട്ടിടങ്ങള്‍ക്കാണ് കേടുപാടുകള്‍ സംഭവിച്ചത്.
നൂറിലധികം വൈദ്യുതി പോസ്‌റ്റുകള്‍ തകര്‍ന്ന് വീണു. ഇതോടെ പ്രദേശത്തെ വൈദ്യുതി ബന്ധം പൂര്‍ണമായും വിച്ഛേദിക്കപ്പെട്ട സ്ഥിതിയുണ്ടായി. കെഎസ്‌ഇബി ജീവനക്കാര്‍ എത്തിയ ശേഷം അഗ്നിശമന സേനയും നാട്ടുകാരും ചേര്‍ന്ന് മണിക്കൂറുകളോളം പണിപ്പെട്ടാണ് തടസം നീക്കിയത്. കാലവര്‍ഷം എത്തും മുന്‍പ് തന്നെ കേരളത്തില്‍ വേനല്‍ മഴ കനക്കുന്ന സ്ഥിതിയാണുള്ളത്.
ഇടിമിന്നലേറ്റ് വയോധികന്‍ മരിച്ചു: അതേസമയം, കഴിഞ്ഞ വര്‍ഷം വീടിന്‍റെ മുന്‍വശത്ത് ഇരിക്കുകയായിരുന്ന വയോധികന്‍ ഇടിമിന്നലേറ്റ് മരിച്ചു. കാഞ്ഞിരപ്പള്ളി തമ്പലക്കാട് തേക്കടക്കവല മറ്റത്തില്‍ പീതാംബരനാണ്(64) മരിച്ചത്. വൈകുന്നേരം അഞ്ചരയോടെയായിരുന്നു സംഭവം. ഈ സമയം പീതാംബരന്‍ വീട്ടില്‍ തനിച്ചായിരുന്നു.
തൊട്ടടുത്ത വീട്ടില്‍ നിന്ന് മകളുടെ വീട്ടിലെത്തിയപ്പോഴാണ് വയോധികനെ കസേരയില്‍ മരിച്ച നിലയില്‍ കണ്ടെത്തിയത്. ഇടിമിന്നലില്‍ വീടിന്‍റെ ഇലക്‌ട്രിക് വയറിങ് ഉപകരണങ്ങളും ഭിത്തിയും തറയും തകര്‍ന്നു. കാഞ്ഞിരപ്പള്ളി ജനറല്‍ ആശുപത്രിയില്‍ എത്തിച്ചായിരുന്നു മൃതദേഹം പോസ്‌റ്റ്‌മോര്‍ട്ടം ചെയ്‌തത്.
