നികുതി വെട്ടിച്ചും, രജിസ്‌ട്രേഷന്‍ ഇല്ലാതെയും ഓടിയ ഉത്തര്‍ പ്രദേശില്‍ നിന്നുള്ള മെഴ്‌സിഡന്‍സ് ബെന്‍സ് മോട്ടോര്‍ വാഹന വകുപ്പ് പിടികൂടി. നാദാപുരം കസ്തൂരിക്കുളത്ത് വാഹന പരിശോധനക്കിടെ വടകര മോട്ടോര്‍ വെഹിക്കിള്‍ ഇന്‍സ്‌പെക്ട്ര്‍ രാജേഷ് എ ആര്‍ ആണ് വാഹനം പിടികൂടിയത്. 12 ലക്ഷം രൂപയാണ് കാറിന്‍റെ നികുതി.
ഇതര സംസ്ഥാനങ്ങളില്‍ നിന്നുള്ള ആഡംബര കാറുകള്‍ നികുതി വെട്ടിച്ച് കേരളത്തില്‍ സര്‍വ്വീസ് നടത്തുന്നതായി പരിശോധനകളില്‍ കണ്ടെത്തിയിരുന്നു. ഇത്തരം വാഹനങ്ങള്‍ക്കെതിരെ ശക്തമായ നടപടികള്‍ സ്വീകരിക്കുമെന്ന് എം.വി.ഐ രാജേഷ് എ ആര്‍ അറിയിച്ചു.
