കോഴിക്കോട്: മുൻ ഭാര്യയെന്ന് കരുതി മറ്റൊരു സ്ത്രീയെ വെട്ടിപ്പരിക്കേൽപിച്ചു. കോഴിക്കോട് നന്മണ്ട സഹകരണ ബാങ്കിൽ ഉച്ചക്ക് 2:10നാണ് സംഭവം. നന്മണ്ട സ്വദേശി ബിജു (47) ആണ് കൊടുവാളുമായെത്തി ആക്രമണം നടത്തിയത്.
പരിക്കേറ്റ ബാങ്ക് ജീവനക്കാരി ശ്രീഷ്‌മയെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമല്ല. ബിജു എത്തിയ സമയം ബാങ്ക് ജീവനക്കാരിയായ മുൻ ഭാര്യ ബാങ്കിലുണ്ടായിരുന്നു. എന്നാൽ ആള് മാറിയാണ് ആക്രമണം നടന്നത്.
ALSO READ: കൊച്ചിയില്‍ സ്വകാര്യ ബസ് ഇടിച്ചുകയറിയത് 13 വാഹനങ്ങളിലേക്ക്, അപകടം കൊച്ചിയില്‍
ബിജുവും മുൻ ഭാര്യയും നിയമപരമായി വേർപിരിഞ്ഞിരുന്നു. വൈരാഗ്യമാണ് ആക്രമണത്തിന് കാരണം എന്നാണ് പൊലീസ് നൽകുന്ന സൂചന. ബാലുശ്ശേരി പൊലീസ് ബിജുവിനെ ചോദ്യം ചെയ്‌ത്‌ വരികയാണ്.
