കോട്ടയം : രാമപുരത്തിന് സമീപം മാനത്തൂരിൽ ശബരിമല തീർഥാടകർ സഞ്ചരിച്ച ബസ് അപകടത്തിൽപ്പെട്ട് 14 പേർക്ക് പരിക്ക്. തമിഴ്‌നാട് വെല്ലൂരിൽ നിന്നുളള തീർഥാടക സംഘം സഞ്ചരിച്ച ബസാണ് രാത്രി ഒരു മണിയോടെ അപകടത്തിൽപ്പെട്ടത്. റോഡിന് സമീപത്തെ തിട്ടയിൽ ഇടിച്ച് ബസ് ചെരിയുകയായിരുന്നു.
Also read: കട്ടപ്പന പാറക്കടവിൽ ശബരിമല തീർഥാടകരുടെ വാഹനം വീടിനു മുകളിലേക്ക് മറിഞ്ഞ് അപകടം; ആളപായമില്ല
അപകടത്തിൽ ഗുരുതരമായി പരിക്കേറ്റ 5 പേരെ കോട്ടയം മെഡിക്കൽ കോളജിൽ പ്രവേശിപ്പിച്ചു. ബാക്കിയുള്ളവർ പാലാ ജനറൽ ആശുപത്രിയിൽ ചികിത്സയിലാണ്. ജനൽ ചില്ല് തകർന്ന് പുറത്തേക്ക് തെറിച്ചവർക്കാണ് ഗുരുതമായി പരിക്കേറ്റത്. ഡ്രൈവർ ഉറങ്ങിപ്പോയതാണ് അപകട കാരണം. രാമപുരം പൊലീസിൻ്റെ നേതൃത്വത്തിലായിരുന്നു രക്ഷാപ്രവർത്തനം.
