കോട്ടയം: ബാങ്കിലേക്ക് ബ്ലെയ്‌ഡുമായി എത്തിയ യുവാവ്‌ പരിഭ്രാന്തി പരത്തി. കോട്ടയം മെഡിക്കല്‍ കോളജിലെ എസ്‌ബിഐ ബാങ്കില്‍ ചൊവ്വാഴ്‌ച രാവിലെ 11.30 തോടെയായിരുന്നു സംഭവം. ബാങ്കിലെത്തിയ കോട്ടയം സ്വദേശി ജേക്കബ്‌ വനിതാ ജീവനക്കാരിയോട്‌ പണം ആവശ്യപ്പെട്ടു.
എന്നാല്‍ അയാളുടെ അക്കൗണ്ടില്‍ 99 രൂപ മാത്രമാണുണ്ടായിരുന്നത്. 3,000 രൂപ വേണമെന്ന് ആവശ്യപ്പെട്ടായിരുന്നു അതിക്രമം. പണം തരാന്‍ സാധിക്കില്ലെന്ന് അറിയിച്ചതോടെ പ്രകോപിതനായ യുവാവ്‌ ജീവനക്കാരിയുടെ കഴുത്തില്‍ കൈയില്‍ ഉണ്ടായിരുന്ന ബ്ലെയ്‌ഡ് വെച്ച് ഭീഷണിപ്പെടുത്തുകയായിരുന്നു.
Also Read: മുല്ലപ്പെരിയാര്‍ മരംമുറി; ചീഫ് വൈല്‍ഡ് ലൈഫ് വാര്‍ഡന്‍ പുറത്തിറക്കിയ ഉത്തരവ് പുറത്ത്
മറ്റ് ജീവനക്കാരും സെക്യൂരിറ്റിയും ചേര്‍ന്ന് പണിപ്പെട്ടാണ് ഇയാളെ കീഴ്‌പ്പെടുത്തിയത്. ഇയാള്‍ മനോദൗര്‍ബല്യമുള്ളയാളാണെന്ന് പൊലീസ് അറിയിച്ചു.
