എസ്‌എൻഡിപി പദയാത്രയുടെ ക്യാപ്‌റ്റന്‍ സംസാരിക്കുന്നു
കൊല്ലം: ശിവഗിരി തീർഥാടക സംഘത്തോടൊപ്പം 70 കിലോമീറ്റർ സഞ്ചരിച്ച് തെരുവുനായ. ആലപ്പുഴ കുട്ടനാട് മാമ്പുഴകരി എസ്‌എൻഡിപി ശാഖയുടെ പദയാത്രയിലെ 300 പേരുള്ള സംഘത്തോടൊപ്പമാണ് തെരുവുനായയുടെയും നടത്തം. എടത്വ പഞ്ചായത്തിലെ കളങ്ങരയിൽവച്ച് ഡിസംബര്‍ 28നാണ് ജിബ്രുവെന്ന പട്ടി ഒപ്പം കൂടിയത്.
സംഘം വിശ്രമിക്കുന്ന ഇടങ്ങളില്‍ ഒപ്പമിരിക്കുകയും പദയാത്ര വീണ്ടും പുനഃരാരംഭിക്കുമ്പോള്‍ കൂടെ നടക്കുകയുമാണ് നായ. പദയാത്രയ്ക്ക്‌ നേതൃത്വം നൽകുന്ന സന്തോഷ് ശാന്തി, ജിബ്രു എന്ന ഓമനപ്പേരും നായയ്‌ക്ക് നല്‍കിയിട്ടുണ്ട്. പദയാത്രയില്‍ നടക്കവെ ബസിടിച്ച് കാലിന് ചതവ് പറ്റിയെങ്കിലും നായ നടത്തം നിര്‍ത്തിയിരുന്നില്ല. വേദന അസഹനീയമാണെന്ന് മനസിലാക്കിയതോടെ സംഘാടകര്‍ പട്ടിയെ മൃഗാശുപത്രിയില്‍ പ്രവേശിപ്പിച്ചു.
