യു.എ.പി.എ ചുമത്തിയത് വിവാദങ്ങളില്‍ നിന്ന് ശ്രദ്ധതിരിക്കാനെന്ന് കെ.സി. വേണുഗോപാൽ

സ്വന്തം മുന്നണിയിലുള്ളവരെ പോലും പറഞ്ഞു മനസിലാക്കാൻ സിപിഎമ്മിന് കഴിയുന്നില്ല

കൊല്ലം: യുഎപിഎ വിഷയത്തിൽ സർക്കാരിന്‍റെ ഗതികേടാണ് വെളിവാകുന്നതെന്ന് എഐസിസി ജനറൽ സെക്രട്ടറി കെ.സി വേണുഗോപാൽ. സർക്കാരിനെതിരായ വിവാദങ്ങളിൽ നിന്ന് ശ്രദ്ധ തിരിച്ച് വിടാനുള്ള ശ്രമം ഇതിനു പിന്നിലുണ്ടെന്ന് സംശയിക്കേണ്ടിയിരിക്കുന്നു . സ്വന്തം മുന്നണിയിലുള്ളവരെ പോലും പറഞ്ഞു മനസിലാക്കാൻ സിപിഎമ്മിന് കഴിയുന്നില്ല .

മഹാരാഷ്ട്രയിൽ കോൺഗ്രസ് സർക്കാർ രൂപീകരണത്തിന് ഒരു ശ്രമവും നടത്തില്ല. ശിവസേനയുമായി ഒരു സഖ്യവുമില്ല. സ്വന്തം മുന്നണിയിൽ ഉള്ളവരെ പോലും തെരഞ്ഞെടുപ്പിന് ശേഷം കൂടെ നിർത്താൻ കഴിയാത്തത് ബിജെപിയുടെ ഗതികേട് ആണെന്നും വേണുഗോപാൽ കൂട്ടിച്ചേർത്തു .