കാസര്‍കോട് : അബ്‌ദുല്‍ ജബ്ബാര്‍ വധക്കേസില്‍ പ്രതിയായ സിപിഎം പ്രവര്‍ത്തകന്‍ അബ്‌ദുല്ല കുഞ്ഞിയുടെ മകളുടെ വിവാഹത്തില്‍ പങ്കെടുത്ത് കൈകൊട്ടി പാടിയതിന് മഞ്ചേശ്വരം എംഎല്‍എ എകെഎം അഷ്‌റഫിനെതിരെ യൂത്ത് കോണ്‍ഗ്രസ്. എംഎല്‍എ പ്രസ്‌തുത വിവാഹ പാര്‍ട്ടിയില്‍ പങ്കെടുക്കാന്‍ പാടില്ലായിരുന്നുവെന്ന് യൂത്ത് കോൺഗ്രസ്‌ ജില്ല പ്രസിഡന്റ്‌ ബിപി പ്രദീപ് പറഞ്ഞു.
also read : പി.സി ജോര്‍ജിനെ കൊണ്ടു വന്ന വാഹനം ഒരാളെ ഇടിച്ചു: കൊച്ചി - തിരുവനന്തപുരം യാത്ര രണ്ടര മണിക്കൂര്‍ കൊണ്ട്
യൂത്ത് കോണ്‍ഗ്രസ് പ്രവര്‍ത്തകരുടെ വികാരം മാനിച്ച് വിഷയത്തില്‍ സ്വീകരിക്കേണ്ട തുടര്‍നടപടികളെക്കുറിച്ച് ആലോചിക്കുമെന്നും അദ്ദേഹം വ്യക്തമാക്കി. എം എല്‍ എ വിവാഹത്തില്‍ പങ്കെടുത്തതിന്‍റെയും കൈകൊട്ടി പാടുന്നതിന്‍റെയും വീഡിയോ പുറത്തുവന്നതോടെയാണ് യൂത്ത് കോണ്‍ഗ്രസ് പ്രതിഷേധവുമായി രംഗത്തെത്തിയത്. 2009 ലാണ് യൂത്ത് കോണ്‍ഗ്രസ് നേതാവ് അബ്‌ദുല്‍ ജബ്ബാര്‍ കൊല്ലപ്പെട്ടത്.
