ഓടിക്കൊണ്ടിരുന്ന കാറിന് തീപിടിച്ചു; അത്ഭുതകരമായി രക്ഷപ്പെട്ട് കുടുംബം

കാറിലുണ്ടായ അഞ്ച് പേരും അത്ഭുതകരമായി രക്ഷപ്പെട്ടു. അഗ്‌നി രക്ഷ സേനയെത്തി തീയണച്ചു. കാര്‍ പൂര്‍ണമായി കത്തി നശിച്ചു.

കാസർകോട്: വെള്ളരിക്കുണ്ട് മങ്കയത്ത് ഓടിക്കൊണ്ടിരുന്ന കാറിന് തീപിടിച്ചു. ഭീമനടി സ്വദേശി ജോബിനും കുടുംബവും സഞ്ചരിച്ചിരുന്ന കാറിനാണ് തീപിടിച്ചത്. ഇന്നലെ വൈകുന്നേരമാണ് സംഭവം. കുട്ടികൾ ഉൾപ്പെടെ അഞ്ച് പേരാണ് കാറിലുണ്ടായിരുന്നത്.

അഞ്ച് പേരും അത്ഭുകരമായി രക്ഷപ്പെട്ടു. കാറിൽ നിന്നും പുക ഉയര്‍ന്നതോടെ ഇവര്‍ ഇറങ്ങി ഓടുകയായിരുന്നു. ബന്തടുക്കയിൽ നിന്നും ഭീമനടിയിലെ വീട്ടിലേക്ക് പോകുകയിരുന്നു കുടുംബം. കാർ പൂർണമായി കത്തിനശിച്ചു. നാട്ടുകാർ ഉടൻ തീ അണയ്ക്കാൻ ശ്രമിച്ചെങ്കിലും സാധിച്ചില്ല.തുടർന്ന് അഗ്നിരക്ഷ സേനയെത്തിയാണ് തീയണച്ചത്.