'റണ്ണിങ് കോൺട്രാക്‌ട് ഏര്‍പ്പെടുത്തും'; സംസ്ഥാനത്തെ റോഡുകളെല്ലാം മോശമാണെന്ന പ്രചാരണം ശരിയല്ലെന്ന് മുഹമ്മദ് റിയാസ്

റോഡ് പരിപാലനത്തിനായി റണ്ണിങ് കോൺട്രാക്‌ട് സംവിധാനം ഏർപ്പെടുത്തുമെന്ന് മന്ത്രി

കണ്ണൂർ : സംസ്ഥാനത്തെ റോഡുകളെല്ലാം മോശമാണെന്ന പ്രചാരണം ശരിയല്ലെന്ന് മന്ത്രി പി എ മുഹമ്മദ് റിയാസ്. റോഡ് പരിപാലനത്തിനായി റണ്ണിങ് കോൺട്രാക്‌ട് സംവിധാനം ഏർപ്പെടുത്തുമെന്നും മന്ത്രി വ്യക്തമാക്കി. കാലാവസ്ഥാ വ്യതിയാനം മൂലം റോഡിലുണ്ടായ പ്രശ്‌നങ്ങൾ പരിഹരിക്കും.

റോഡുകളെക്കുറിച്ച് പഠിക്കാൻ ക്ലൈമറ്റ് സെൽ രൂപീകരിച്ചതായി മന്ത്രി പറഞ്ഞു. പൊതുമരാമത്ത് വകുപ്പിന് കീഴിൽ 30,000 കിലോമീറ്റർ റോഡാണ് ഉള്ളതെന്നും അദ്ദേഹം കൂട്ടിച്ചേര്‍ത്തു.