പയ്യന്നൂര്‍: ഉത്തര മലബാറിന്‍റെ സാംസ്‌കാരിക തലസ്ഥാനമായ പയ്യന്നൂരിൽ നിന്നും കേരളത്തിലെ തനത് ആയോധന കലയായ കളരിയുടെ സജീവ പ്രചാരകനായി മാറുകയാണ് അന്നൂർ പടിഞ്ഞാറേക്കര സ്വദേശി എം ശ്യാമപ്രസാദ്. തന്‍റെ പിതാവും, ഗുരുവുമായ മുരാരിയിൽ നിന്നാണ് കളരിയിൽ ഇദ്ദേഹം ചുവടുറപ്പിച്ചത്. പിന്നീടങ്ങോട്ട് ജീവിതത്തിന്‍റെ ഒരു ഭാഗമായി കളരിയെ സ്വീകരിച്ചു.
കളരി രംഗത്ത് സജീവ സാന്നിധ്യമായി പയ്യന്നൂരിലെ ശ്യാമപ്രസാദ്
ഇന്ന് 120ഓളം ശിഷ്യന്മാർ ഇദ്ദേഹത്തിന് കീഴിൽ ആയോധന വിദ്യ അഭ്യസിച്ചുവരുന്നു. ഇദ്ദേഹത്തിന്‍റെ ശിഷ്യരിൽ മുപ്പത് പേർ പെൺകുട്ടികളാണ് എന്നതും ശ്രദ്ധേയം. പെൺകുട്ടികൾക്ക് നേരെയുള്ള അതിക്രമങ്ങൾ വർധിച്ചു വരുന്ന സാഹചര്യത്തില്‍ അവർ പ്രതിരോധ രീതികൾ അഭ്യസിക്കേണ്ടതുണ്ടെന്നാണ് ശ്യാമപ്രസാദ് പറയുന്നത്.
