കണ്ണൂര്‍: പൊലീസിന്‍റെ സര്‍ക്കാരാണോ കേരളം ഭരിക്കുന്നതെന്ന് മുഖ്യമന്ത്രി വ്യക്തമാക്കണമെന്ന് ബിജെപി വക്താവ് അഡ്വ. ബി.ഗോപാലകൃഷ്ണൻ. മുഖ്യമന്ത്രി പിണറായി വിജയന് ഡിജിപി ലോക്നാഥ് ബഹ്റയെ പേടിയാണെന്നും അദ്ദേഹം പരിഹസിച്ചു.
പൊലീസിന്‍റെ സര്‍ക്കാരാണോ കേരളത്തിലുള്ളതെന്ന് മുഖ്യമന്ത്രി വ്യക്തമാക്കണമെന്ന് ബി.ജെ.പി
യുഎപിഎ വിഷയത്തിൽ ഇരുട്ടത്ത് ആനയെ പിടിക്കാൻ പോകുന്ന അവസ്ഥയിലാണ് സർക്കാർ. ഈ വിഷയത്തിൽ തെളിവുണ്ടോയെന്ന് പരിശോധിക്കാൻ ഒരു സ്വതന്ത്ര സമിതിയെ നിയമിക്കണമെന്നും ഗോപാലകൃഷ്ണന്‍ ആവശ്യപ്പെട്ടു. സർക്കാരിന് ഒരു നയം, പാർട്ടിക്ക് മറ്റൊരു നയം, പൊലീസിന് വേറൊരു നയം എന്ന നിലപാട് ശരിയല്ല. വാളയാറിലെ കുഞ്ഞുങ്ങളുടെ ശാപത്തിൽ നിന്ന് പിണറായിക്കും സർക്കാരിനും മോക്ഷം ലഭിക്കില്ലെന്നും മാവോയിസ്റ്റുകളെ മുന്നിൽ നിർത്തി വാളയാറിൽ നിന്ന് രക്ഷപ്പെടാൻ പിണറായി സർക്കാരിനാവില്ലെന്നും അഡ്വ. ബി ഗോപാലഷ്ണൻ കണ്ണൂരിൽ പറഞ്ഞു
.
