ഇടുക്കി: കോണ്‍ഗ്രസ് ആഹ്വാനം ചെയ്‌ത ഈ മാസം 28 ലെ ജില്ലാ ഹര്‍ത്താലുമായി സഹകരിക്കില്ലെന്ന് വ്യാപാരി വ്യവസായി ഏകോപന സമിതി. ഈ വർഷം ഹര്‍ത്താല്‍ രഹിതമായി ആചരിക്കുമെന്നും ഹര്‍ത്താല്‍ ദിനത്തില്‍ വ്യാപാരസ്ഥാപനങ്ങള്‍ തുറക്കുന്നതിന് പൊലീസിന്‍റെ സംരക്ഷണം ആവശ്യപ്പെട്ടതായും വ്യാപാര വ്യവസായ ഏകോപന സമിതി ജില്ലാ പ്രസിഡന്റ് കെ എന്‍ ദിവാകരന്‍ അറിയിച്ചു.
ജില്ലാ ഹര്‍ത്താലുമായി സഹകരിക്കില്ലെന്ന് വ്യാപാരി വ്യവസായി ഏകോപന സമിതി
വ്യാപാരി വ്യവസായി ഏകോപന സമിതിയുടെ ഇപ്പോഴത്തെ പ്രഖ്യാപനം ജില്ലയിലെ പൊലീസിന് കനത്തവെല്ലുവിളിയാണ് ഉയര്‍ത്തുന്നത്. വ്യാപാരികള്‍ കട തുറക്കാനും പ്രതിഷേധക്കാര്‍ കടയടപ്പിക്കാനും ശ്രമിച്ചാല്‍ അത് വലിയ സംഘര്‍ഷത്തിന് വഴിയൊരുക്കും. ഹര്‍ത്താലുമായി മുമ്പോട്ട് പോകാനാണ് പ്രതിഷേധക്കാരുടെ തീരുമാനം. സമാന വിഷയത്തില്‍ ബുധനാഴ്ച്ച വ്യാപാരികള്‍ ജില്ലയില്‍ വ്യാപാര സ്ഥാപനങ്ങൾ അടച്ച് പ്രതിഷേധം സംഘടിപ്പിച്ചിരുന്നു.
