ഇടുക്കി പുല്ലുപാറയിൽ ഉരുൾപൊട്ടൽ

കൊട്ടാരക്കര - ദിണ്ടുക്കൽ ദേശീയപാതയിൽ പീരുമേട് പുല്ലുപാറക്ക് സമീപമാണ് ഇരുൾപൊട്ടൽ ഉണ്ടായത്.

ഇടുക്കി : തുടർച്ചയായി പെയ്യുന്ന കനത്ത മഴയെത്തുടർന്ന് പുല്ലുപാറയിൽ ഉരുൾപൊട്ടൽ. കൊട്ടാരക്കര - ദിണ്ടുക്കൽ ദേശീയപാതയിൽ പീരുമേട് പുല്ലുപാറക്ക് സമീപമാണ് ഇരുൾപൊട്ടൽ ഉണ്ടായത്.

ദേശീയപാതയിലേക്ക് മണ്ണും കല്ലും ഒഴുകിയെത്തിയതോടെ ഗതാഗതം തടസപ്പെട്ടു. പീരുമേട് ഫയർഫോഴ്‌സിന്‍റെ നേതൃത്വത്തിൽ ഗതാഗതം പുനഃസ്ഥാപിക്കാനുള്ള നടപടികൾ ആരംഭിച്ചിരിക്കുകയാണ്. നിലവിൽ ആളപായം റിപ്പോർട്ട് ചെയ്‌തിട്ടില്ല. എന്നാൽ സമീപത്തെ വ്യാപാര സ്ഥാപനത്തിന് നാശനഷ്‌ടം ഉണ്ടായതായി പ്രദേശവാസികൾ പറഞ്ഞു.