എറണാകുളം : കോതമംഗലം കോട്ടപ്പടിയില്‍ അതിക്രമിച്ച് കയറിയ ആന വീട്ടിലെ പോർച്ചിൽ പാര്‍ക്ക് ചെയ്‌ത കാർ തകര്‍ത്തു. തിങ്കളാഴ്‌ച വെളുപ്പിന് നാലരയ്‌ക്കാണ് സംഭവം.
കോതമംഗലത്ത് വീട്ടില്‍ നിര്‍ത്തിയിട്ട കാര്‍ തകര്‍ത്ത് കാട്ടാന ; കൃഷിയും നശിപ്പിച്ചു
കോട്ടപ്പാറ വനത്തിൽ നിന്നെത്തിയ കൊമ്പൻ വടക്കുംഭാഗം വീപ്പനാട്ട് വർഗീസിന്‍റെ വാഹനമാണ് തകര്‍ത്തത്. ശബ്‌ദം കേട്ട് വീട്ടുകാർ ഉണർന്നപ്പോള്‍ ആന ഇറയത്ത് നിൽക്കുകയായിരുന്നു.
തുടര്‍ന്ന്, ഒച്ചവച്ചതോടെയാണ് പിന്‍വാങ്ങിയതെന്നും വീട്ടുകാര്‍ പറഞ്ഞു. വാഴ, കപ്പ തുടങ്ങിയ വിളകളും നശിപ്പിച്ചു. കാട്ടാന പലപ്പോഴായി ജനവാസ മേഖലയിൽ ഇറങ്ങാറുണ്ടെന്നും അധികൃതര്‍ ഇടപെടണമെന്നും പ്രദേശവാസികള്‍ ആവശ്യപ്പെട്ടു.
ALSO READ: നിപ : കണ്ടെയ്ൻമെന്‍റ് സോണുകൾ പ്രഖ്യാപിച്ചു, നിയന്ത്രണമൊരുക്കി പൊലീസ്
