എറണാകുളം: സ്വർണ വില തുടർച്ചയായ രണ്ടാം ദിവസവും വർധിച്ചു. ഒരു പവന് 200 രൂപയുടെ വർധനവാണ് രേഖപ്പെടുത്തിയത്. ഇതോടെ സ്വര്‍ണം ഒരു ഗ്രാമിന് 4,825രൂപയും പവന് 38,600 രൂപയുമായി.
തുടർച്ചയായി രണ്ട് ദിവസം വില മാറ്റമില്ലാതെ തുടർന്നതിന് ശേഷമാണ് വില വീണ്ടും ഉയർന്നത്. യുക്രൈനിലെ റഷ്യൻ ആക്രമണത്തെ തുടർന്നായിരുന്നു സ്വർണ വില കുതിച്ച് ഉയർന്നത്. ഓഹരി വിപണികളിൽ ഉൾപ്പടെ വലിയ വിലയിടിവ് അനുഭവപ്പെട്ടതോടെ സുരക്ഷിത നിക്ഷേപമായി നിക്ഷേപകർ സ്വർണം തെരെഞ്ഞെടുത്തോടെ വില ഉയർന്ന് നിൽക്കുകയായിരുന്നു. എന്നാൽ ചാഞ്ചാട്ടം തുടരുകയായിരുന്ന സ്വർണ വിപണിയിൽ കഴിഞ്ഞ ആഴ്ച മുതലാണ് തുടർച്ചയായി വില കുറഞ്ഞ് തുടങ്ങിയത്. എന്നാൽ വീണ്ടും വില ഉയരുമെന്ന സൂചനയാണ് വിപണി നൽകുന്നത്.
