എറണാകുളം : കൊച്ചി കപ്പല്‍ശാല തര്‍ക്കുമെന്ന് വീണ്ടും ഭീഷണി സന്ദേശം. ഇ മെയിൽ വഴിയാണ് സന്ദേശമെത്തിയത്. ഷിപ്പ്‌യാര്‍ഡിലെ ഇന്ധന ടാങ്കുകൾ തകർക്കുമെന്നാണ് സന്ദേശത്തിലുള്ളതെന്നാണ് വിവരം.
സംഭവത്തില്‍ അധികൃതർ പൊലീസിൽ പരാതി നൽകി. കഴിഞ്ഞയാഴ്ച ബോംബ് ഭീഷണി സന്ദേശം ലഭിച്ചിരുന്നു. നാവികന്‍ എന്ന മെയില്‍ നിന്നായിരുന്നു ഈ സന്ദേശം അയച്ചത്. ഇതിന്‍റെ ഉറവിടം കണ്ടെത്താൻ പൊലീസിന് കഴിഞ്ഞിട്ടില്ല.
അന്വേഷണം തുടരുന്നതിനിടെയാണ് രണ്ടാമത്തെ ഭീഷണി മെയില്‍ എത്തിയത്. തദ്ദേശീയമായി നിർമിച്ച ഐ.എന്‍.എസ് വിക്രാന്ത് ബോംബ് വച്ച് തകര്‍ക്കുമെന്നായിരുന്നു ആദ്യ ഭീഷണി. ഇതോടെ ശക്തമായ സുരക്ഷയാണ് ഐ.എൻ.എസ് വിക്രാന്തിന് ഏർപ്പെടുത്തിയത്.
