എറണാകുളം: സംസ്ഥാനത്തെ ഭക്ഷ്യവിഷബാധയിൽ വീണ്ടും ഹൈക്കോടതിയുടെ ഇടപെടൽ. വിഷയത്തിൽ ആരോഗ്യ കുടുംബക്ഷേമ സെക്രട്ടറിയോട് ചീഫ് ജസ്റ്റിസ് റിപ്പോർട്ട് ആവശ്യപ്പെട്ടു. കുറ്റക്കാർക്കെതിരെ സ്വീകരിച്ച നടപടികളെക്കുറിച്ചും അറിയിക്കണം.
രണ്ടാഴ്‌ചക്കുള്ളിൽ റിപ്പോർട്ട് നൽകാനാണ് ചീഫ് ജസ്റ്റിസ് എസ്. മണികുമാർ അധ്യക്ഷനായ ഡിവിഷൻ ബെഞ്ചിന്‍റെ നിർദേശം. കാസര്‍കോട് ഷവർമ കഴിച്ച് പെൺകുട്ടി മരിച്ച സംഭവത്തിൽ സ്വമേധയാ എടുത്ത കേസിലാണ് കോടതി നടപടി. നേരത്തെ കളമശ്ശേരിയിൽ സുനാമി ഇറച്ചി പിടികൂടിയ സംഭവത്തിലും അന്വേഷണം നടത്താൻ കെൽസയ്ക്ക് കോടതി നിർദേശം നൽകിയിരുന്നു.
