ആലപ്പുഴ: സിഐടിയു പതിനാലാമത് സംസ്ഥാന സമ്മേളനത്തിന് സമാപനം. സമാപന ദിനത്തില്‍ തൊഴിലാളികളെ അണിനിരത്തി ആലപ്പുഴയിൽ തൊഴിലാളി റാലി സംഘടിപ്പിച്ചു. പ്രതിനിധി സമ്മേളന നഗരിയായ അമീൻ നഗറിൽ നിന്നും ആലപ്പുഴ കടപ്പുറത്തെ പൊതുസമ്മേളന വേദിയായ കെ.കെ ചെല്ലപ്പൻ നഗറിലേക്കാണ് റാലി സംഘടിപ്പിച്ചത്. സംസ്ഥാന പ്രസിഡന്റ് ആനത്തലവട്ടം ആനന്ദൻ, സംസ്ഥാന ജനറൽ സെക്രട്ടറി എളമരം കരീം എംപി, സംസ്ഥാന സെക്രട്ടറിമാരായ പി.പി ചിത്തരഞ്ജൻ, സി.ബി ചന്ദ്രബാബു എന്നിവര്‍ സമ്മേളനത്തിന് നേതൃത്വം നൽകി. സിഐടിയുവിൽ അഫിലിയേറ്റ് ചെയ്തിട്ടുള്ള വിവിധ ട്രേഡ് യൂണിയൻ സംഘടനകളെ പ്രതിനിധീകരിച്ചുള്ള പ്രവര്‍ത്തകരും റാലിയുടെ ഭാഗമായി. കേരളത്തനിമ വിളിച്ചോതുന്ന വിവിധ കലാരൂപങ്ങളുടേയും വാദ്യഘോഷങ്ങളുടേയും അകമ്പടിയോടെയാണ് റാലി ആലപ്പുഴ കടപ്പുറത്ത് എത്തിച്ചേർന്നത്.
സിഐടിയു സംസ്ഥാന സമ്മേളനം സമാപിച്ചു
