ടോക്കിയോ: ഒളിമ്പിക് അത്‌ലറ്റിക്‌സിലെ ആദ്യ മെഡലെന്ന ഇന്ത്യന്‍ സ്വപ്നം പൊലിഞ്ഞു. വനിതകളുടെ ഡിസ്‌കസ് ത്രോയിനത്തില്‍ കമല്‍പ്രീത് കൗറിന് മെഡല്‍ നേടായില്ല. ഒളിമ്പിക് സ്റ്റേഡിയത്തില്‍ 63.70 മീറ്റര്‍ ദൂരം കണ്ടെത്തിയെ താരം ആറാം സ്ഥാനത്താണ് മത്സരം പൂര്‍ത്തിയാക്കിയത്.
നിര്‍ണായകമായ മത്സരത്തില്‍ മൂന്ന് റൗണ്ടുകളിലും മൂന്ന് ഫൗളുകള്‍ വരുത്തിയതും താരത്തിന് തിരിച്ചടിയായി. അതേസമയം 68.98 മീറ്റര്‍ ദൂരം കണ്ടെത്തിയ അമേരിക്കയുടെ വലേരി അല്‍മനാണ് ഈ ഇനത്തില്‍ സ്വര്‍ണം സ്വന്തമാക്കിയത്.
ക്രിസ്റ്റിൻ പുഡൻസ് (66.86 മീറ്റര്‍) വെള്ളിയും, ക്യൂബയുടെ യെയ്മി പെരസ് (65.72 മീറ്റര്‍) വെങ്കലവും സ്വന്തമാക്കി.
