ലോസാൻ: 2020-ലെ ടോക്കിയോ ഒളിമ്പിക്‌സ് കാർബണ്‍ ന്യൂട്രലാക്കാന്‍ ലക്ഷ്യമിടുന്നതായി അന്താരാഷ്‌ട്ര ഒളിമ്പിക് കമ്മിറ്റി പ്രസിഡന്‍റ് തോമസ് ബാക്ക്. ജൂലൈ 24 മുതല്‍ ഓഗസ്‌റ്റ് ഒമ്പത് വരെയാണ് ടോക്കിയോ ഒളിമ്പിക്‌സ്. മെഡലുകൾ ഇലക്‌ട്രേണിക് ഉത്പന്നങ്ങളുടെ പുനഃചംക്രമണത്തിലൂടെ നിർമ്മിക്കാന്‍ ഉദ്ദേശിക്കുന്നതായി അദ്ദേഹം പ്രസ്താവനയിലൂടെ വ്യക്തമാക്കി.
2020-ലെ ഒളിമ്പിക് അജണ്ടയിലൂടെ ഐഒസി വിപ്ലവകരമായ മാറ്റങ്ങളാണ് കൊണ്ടുവന്നത്. ഒളിമ്പിക്‌സിന്‍റെ തുടക്കം മുതല്‍ സമാപനം വരെ പങ്കാളിത്തത്തിലും നടപടി ക്രമങ്ങളിലും ഈ മാറ്റം പ്രതിഫലിക്കുമെന്നും അദ്ദേഹം പറഞ്ഞു.
