ബീജിംഗ്: അമേരിക്കയിൽ നിന്ന് നാട്ടിലേക്ക് മടങ്ങിയെത്തിയ ചൈനീസ് വനിതാ ഐസ് ഹോക്കി ടീമിലെ രണ്ട് കളിക്കാർക്ക് കൊവിഡ് 19.
യുഎസില്‍ കൊവിഡ് 19 വ്യാപിച്ചതോടെ മാര്‍ച്ച് 13നാണ് ടീം തിരികെയെത്തിയത്. തിരികെയെത്തിയ ഇവരെ ക്വാറന്‍റൈനിലാക്കിയിരുന്നു. രണ്ട് പേര്‍ സ്വയം നിരീക്ഷണത്തിലിരിക്കുന്ന സമയത്താണ് ഫലം പോസിറ്റീവായത്. രണ്ട് പേര്‍ക്കും വിദഗ്ധ ചികിത്സ ലഭിക്കുന്നുണ്ട്. ടീമിലെ ബാക്കിയുള്ളവരുടെ ആരോഗ്യ നില തൃപ്തികരമാണെന്ന് ഹോക്കി ടീം മാനേജ്‌മെന്‍റ് അറിയിച്ചു.
പരിശീലനത്തിന്‍റെ ഭാഗമായി ഫെബ്രുവരി 14 മുതൽ 18 വരെ വാഷിംഗ്ടണിലെ കെറ്റ്‌ലർ ക്യാപിറ്റൽസ് ഐസ്‌പ്ലക്‌സിൽ നടന്ന ജൂനിയർ വിമൻസ് ഹോക്കി ലീഗ് (ജെഡബ്ല്യുഎച്ച്എൽ) ചലഞ്ച് കപ്പിൽ ടീം പങ്കെടുത്തു.
യുഎസിലെ 115,547 കേസുകളിൽ 53,216 എണ്ണം ന്യൂയോർക്ക് സംസ്ഥാനത്താണ്. 29,158 നഗരങ്ങളിലും 15,199 കേസുകൾ സംസ്ഥാനത്തിനകത്തും. അയൽസംസ്ഥാനമായ ന്യൂജേഴ്‌സിയിൽ 11,124 കേസുകളും കണക്റ്റിക്കട്ടിൽ 1,291 കേസുകളും ആണ് റിപ്പോര്‍ട്ട് ചെയ്തത്.
