മാഡ്രിഡ്: റയല്‍ മാഡ്രിഡ് പരിശീലകന് സിനദന്‍ സിദാന് കൊവിഡ് സ്ഥിരീകരിച്ചു. കോപ്പ ഡെല്‍റേ മൂന്നാം റൗണ്ട് പോരാട്ടത്തില്‍ അല്‍കൊയാനോക്കെതിരെ പരാജയം ഏറ്റുവാങ്ങിയതിന് പിന്നാലെയാണ് റയലിന്‍റെ പരിശീലകന് രോഗം സ്ഥിരീകരിച്ചത്. കോപ്പ ഡെല്‍റേയില്‍ ഒന്നിനെതിരെ രണ്ട് ഗോളുകള്‍ക്കാണ് സിദാന്‍റെ ശിഷ്യന്‍മാര്‍ പരാജയപ്പെട്ടത്.
രോഗം സ്ഥിരീകരിച്ച പശ്ചാത്തലത്തില്‍ ആല്‍വേസിനെതിരെ നടക്കാനിരിക്കുന്ന ലാലിഗ പോരാട്ടത്തില്‍ സിദാന് ടീമിനൊപ്പം ഉണ്ടാകില്ല. റയലിന്‍റെ ഈഡന്‍ ഹസാഡ്, കാസെമിറോ, എഡര്‍ മിലിട്ടോ എന്നിവര്‍ക്ക് ഇതിനകം രോഗം സ്ഥിരീകരിച്ചിരുന്നു. ലീഗിലെ പോയിന്‍റ് പട്ടികയില്‍ രണ്ടാം സ്ഥാനത്താണ് റയല്‍ മാഡ്രിഡ്.
