ദുബായ്‌: ടി20 ലോകകപ്പ് സ്പിന്നർമാരുടേതാവുമെന്ന് അഫ്ഗാനിസ്ഥാന്‍റെ സ്റ്റാർ സ്‌പിന്നര്‍ റാഷിദ് ഖാൻ. നന്നായി ബാറ്റ് ചെയ്താൽ ടൂര്‍ണമെന്‍റിലെ ഏത് ടീമിനെയും തോൽപ്പിക്കാന്‍ അഫ്‌ഗാനിസ്ഥാനാവുമെന്നും റാഷിദ് ഖാന്‍ പറഞ്ഞു. വിക്കറ്റ് എങ്ങനെയൊരുക്കിലായും യുഎയിലെ പിച്ച് സ്‌പിന്നര്‍മാര്‍ക്ക് ഗുണം ചെയ്യുന്നതാണ്.
പല മത്സരങ്ങളും സ്‌പിന്നര്‍മാര്‍ വരുതിയിലാക്കിയത് ഐപിഎല്ലില്‍ നമ്മള്‍ കണ്ടതാണ്. ലോക കപ്പിലും ഇത് തന്നെയാവും സംഭവിക്കുകയെന്നാണ് താന്‍ കരുതുന്നത്. മികച്ച സ്പിന്നർമാർ അവരുടെ ടീമിനെ വിജയിപ്പിക്കുമെന്നും റാഷിദ് പറഞ്ഞു. യുഎഇയിലെ മൂന്ന് വേദികളിലായി 14 ടി20 മത്സരങ്ങൾ കളിച്ച അഫ്ഗാനിസ്ഥാന് മുഴുവന്‍ മത്സരങ്ങളിലും വിജയിക്കാനായിട്ടുണ്ട്.
