ഗുവാഹത്തി: ഓസ്‌ട്രേലിയയ്‌ക്ക് എതിരായ മൂന്നാം ടി20യിലും ഇന്ത്യ ആദ്യം ബാറ്റ് ചെയ്യും. തിരുവനന്തപുരത്ത് നടന്ന രണ്ടാം ടി20യിലേത് പോലെ ടോസ് നേടിയ ഓസ്ട്രേലിയ നായകന്‍ മാത്യൂ വെയ്ഡ് ഫീല്‍ഡിങ് തിരഞ്ഞെടുക്കുകയായിരുന്നു. ഗുവാഹത്തിയിലെ ബർസാപര സ്റ്റേഡിയത്തിലാണ് മത്സരം നടക്കുന്നത്.
കഴിഞ്ഞ മത്സരത്തിലെ ടീമില്‍ മൂന്ന് മാറ്റങ്ങളുമായാണ് ഓസീസ് കളിക്കുന്നത്. മാത്യു ഷോർട്ട്, സീൻ ആബട്ട്, ആദം സാംപ എന്നിവർ പുറത്തായി. ട്രാവിസ് ഹെഡ്, ബെഹ്‌റൻഡോർഫ്, കെയ്ൻ റിച്ചാർഡ്‌സൺ എന്നിവരാണ് പ്ലേയിങ് ഇലവനില്‍ എത്തിയത്. മറുവശത്ത് ഇന്ത്യ ഒരു മാറ്റം വരുത്തിയതായി ക്യാപ്റ്റന്‍ സൂര്യകുമാര്‍ യാദവ് അറിയിച്ചു. മുകേഷ് കുമാറിന് പകരം ആവേശ് ഖാനാണ് ടീമിലിടം നേടിയത്. മുകേഷ് കുമാര്‍ വിവാഹിതനാവുന്നതായും സൂര്യ കൂട്ടിച്ചേര്‍ത്തു.
ഇന്ത്യ (പ്ലേയിങ് ഇലവൻ): യശസ്വി ജയ്‌സ്വാൾ, റുതുരാജ് ഗെയ്‌ക്‌വാദ്, ഇഷാൻ കിഷൻ (ഡബ്ല്യു), സൂര്യകുമാർ യാദവ് (സി), റിങ്കു സിങ്, തിലക് വർമ, അക്സർ പട്ടേൽ, രവി ബിഷ്‌ണോയ്, അർഷ്ദീപ് സിങ്, അവേഷ് ഖാൻ, പ്രസിദ്ധ് കൃഷ്ണ. (India Playing XI in 3rd T20I Against Australia).
ALSO READ: 'പണി വാങ്ങിക്കൂട്ടി പാകിസ്ഥാൻ', 2025ലെ ചാമ്പ്യൻസ് ട്രോഫി വേദിയും നഷ്‌ടമായേക്കും
ഓസ്ട്രേലിയ (പ്ലേയിങ് ഇലവൻ): ട്രാവിസ് ഹെഡ്, ആരോൺ ഹാർഡി, ജോഷ് ഇംഗ്ലിസ്, ഗ്ലെൻ മാക്‌സ്‌വെൽ, മാർക്കസ് സ്റ്റോയിനിസ്, ടിം ഡേവിഡ്, മാത്യു വെയ്ഡ്(ഡബ്ല്യു/സി), നഥാൻ എല്ലിസ്, ജേസൺ ബെഹ്‌റൻഡോർഫ്, തൻവീർ സംഗ, കെയ്ൻ റിച്ചാർഡ്‌സൺ (Australia Playing XI in 3rd T20I Against India).
ലൈവായി കളി കാണാന്‍: ഇന്ത്യ vs ഓസ്ട്രേലിയ രണ്ടാം ടി20 ടെലിവിഷനില്‍ Sports18, Colors Cineplex ചാനലുകളിലൂടെയാണ് സംപ്രേഷണം ചെയ്യുന്നത്. Jio Cinema ആപ്ലിക്കേഷനിലൂടെയും വെബ്‌സൈറ്റിലൂടെയും മത്സരം കാണാം..
കളിച്ച രണ്ട് മത്സരങ്ങളും വിജയിച്ച ഇന്ത്യ നിലവില്‍ 2-0ന് മുന്നിലാണ്. വിശാഖപട്ടണത്ത് നടന്ന ഒന്നാം ടി20യില്‍ രണ്ട് വിക്കറ്റുകള്‍ക്കും പിന്നീട് തിരുവനന്തപുരം ഗ്രീന്‍ഫീല്‍ഡ് സ്റ്റേഡിയത്തില്‍ അരങ്ങേറിയ രണ്ടാം മത്സരത്തില്‍ 44 റണ്‍സിനുമായിരുന്നു ഇന്ത്യ വിജയിച്ചത്.
ALSO READ: വെറും 60 റണ്‍സിന്‍റെ അകലം ; വിരാട് കോലിയുടെ വമ്പന്‍ റെക്കോഡ് തൂക്കാന്‍ സൂര്യകുമാര്‍ യാദവ്
ഇന്ന് ഗുവാഹത്തിയിലും കളി പിടിക്കാന്‍ കഴിഞ്ഞാല്‍ അഞ്ച് മത്സര പരമ്പര വീണ്ടും രണ്ട് കളി ശേഷിക്കേ ഇന്ത്യയ്‌ക്ക് സ്വന്തമാക്കാം. കൂടാതെ അന്താരാഷ്‌ട്ര ടി20യില്‍ ഏറ്റവും കൂടുതല്‍ വിജയങ്ങളുള്ള ടീമായും ഇന്ത്യയ്‌ക്ക് മാറാം. നിലില്‍ 135 വിജയങ്ങളുമായി അല്‍ക്കാരായ പാകിസ്ഥാനൊപ്പമാണ് ഇന്ത്യയുള്ളത്.
ALSO READ: 'ഇന്ത്യന്‍ ടി20 ടീമിലെ ഫിനിഷറുടെ സ്ഥാനം, അത് അവൻ ഉറപ്പിച്ചെന്ന് ഓസീസ് മുൻ താരം'
