ഓസീസിനെതിരെ വിജയത്തുടക്കവുമായി ഇന്ത്യ

ഇന്ത്യയെ വിജയത്തിലേക്ക് നയിച്ചത് ധോണി - ജാദവ് സഖ്യം. അഞ്ചാം വിക്കറ്റില്‍ ഇരുവരും കൂട്ടിച്ചേർത്ത് 141 റൺസ്.

ഓസ്ട്രേലിയക്കെതിരായ ആദ്യ ഏകദിനത്തില്‍ ഇന്ത്യക്ക് ആറ് വിക്കറ്റിന്‍റെ ജയം. ധോണിയുടെയും കേദാർ ജാദവിന്‍റെയും അർധ സെഞ്ച്വറികളുടെ മികവിലാണ് ഇന്ത്യ ജയിച്ചത്. കേദാർ ജാദവാണ് കളിയിലെ താരം.

• MS Dhoni finishes it off in style.
  
  Kedar Jadhav (81*) and MS Dhoni (59*) hit half-centuries as #TeamIndia win by 6 wickets and take a 1-0 lead in the 5 match ODI series #INDvAUS pic.twitter.com/HHA7FfEDjZ

  — BCCI (@BCCI) March 2, 2019 " class="align-text-top noRightClick twitterSection" data="

  MS Dhoni finishes it off in style.
  
  Kedar Jadhav (81*) and MS Dhoni (59*) hit half-centuries as #TeamIndia win by 6 wickets and take a 1-0 lead in the 5 match ODI series #INDvAUS pic.twitter.com/HHA7FfEDjZ

  — BCCI (@BCCI) March 2, 2019

  ">

  MS Dhoni finishes it off in style.
  
  Kedar Jadhav (81*) and MS Dhoni (59*) hit half-centuries as #TeamIndia win by 6 wickets and take a 1-0 lead in the 5 match ODI series #INDvAUS pic.twitter.com/HHA7FfEDjZ

  — BCCI (@BCCI) March 2, 2019

ഹൈദരാബാദ് രാജീവ് ഗാന്ധി അന്താരാഷ്ട്ര സ്റ്റേഡിയത്തില്‍ ടോസ് നേടി ബാറ്റിംഗ് തെരഞ്ഞെടുത്ത ഓസ്ട്രേലിയ 237 റൺസിന്‍റെ വിജയലക്ഷ്യമാണ് ഉയർത്തിയത്. മറുപടി ബാറ്റിംഗിനിറങ്ങിയ ഇന്ത്യ 48.2 ഓവറില്‍ നാല് വിക്കറ്റ് നഷ്ടത്തില്‍ ലക്ഷ്യം മറികടന്നു. ഒരു ഘട്ടത്തില്‍ തോല്‍വി മുന്നില്‍ കണ്ട ഇന്ത്യയെ അഞ്ചാം വിക്കറ്റില്‍ ഒത്തുചേർന്ന ധോണിയും കേദാർ ജാദവുമാണ് രക്ഷിച്ചത്. 87 പന്തില്‍ നിന്ന് 81 റൺസ് നേടിയ കേദാർ ജാദവാണ് കളിയിലെ താരം. 72 പന്തില്‍ നിന്ന് 59 റൺസെടുത്ത ധോണി അമരക്കാരനായപ്പോൾ ജാദവ് ആക്രമിച്ച് കളിക്കുകയാണ് ചെയ്തത്. അനാവശ്യ ഷോട്ടുകൾക്ക് ശ്രമിക്കാതെ പരമാവധി സിംഗിൾസ് എടുത്താണ് ഇരുവരും സ്കോർബോർഡ് ചലിപ്പിച്ചത്.

രോഹിത് ശര്‍മ്മ(37), നായകൻ വിരാട് കോഹ്ലി(44) എന്നിവർ ഭേദപ്പെട്ട പ്രകടനം പുറത്തെടുത്തപ്പോൾ 13 റണ്‍സ് നേടിയ റായുഡു, റണ്ണൊന്നും എടുക്കാതെ പുറത്തായ ശിഖാര്‍ ധവാന്‍ എന്നിവര്‍ നിരാശപ്പെടുത്തി. ഓസീസിന് വേണ്ടി നാഥൻ കോൾട്ടർനീല്‍, ആഡം സാംപ എന്നിവർ രണ്ട് വിക്കറ്റ് വീതം വീഴ്ത്തി. മികച്ച ഒരു അഞ്ചാം ബൗളർ ഇല്ലാതിരുന്നത് ഓസ്ട്രേലിയക്ക് തിരിച്ചടിയായി.

പുതിയ ജേഴ്സിയിലെ ആദ്യ ജയമാണ് ഇന്ത്യ ഇന്ന് നേടിയത്. ഇതോടെ അഞ്ച് മത്സരങ്ങളുടെ പരമ്പരയില്‍ ഇന്ത്യ 1-0ന് മുന്നിലെത്തി. മാർച്ച് അഞ്ചിന് നാഗ്പൂരില്‍ വച്ചാണ് പരമ്പരയിലെ അടുത്ത മത്സരം.