കൊല്‍ക്കത്ത: ഏകദിനത്തില്‍ ഏറ്റവും കൂടുതല്‍ സെഞ്ചുറികളെന്ന ഇതിഹാസ താരം സച്ചിന്‍ ടെണ്ടുല്‍ക്കറുടെ (Sachin Tendulkar) റെക്കോഡിനൊപ്പമെത്തി വിരാട് കോലി (Virat Kohli). ഏകദിന ലോകകപ്പില്‍ (Cricket World Cup 2023) ദക്ഷിണാഫ്രിക്കയ്‌ക്ക് എതിരായ മത്സരത്തിലെ പ്രകടനത്തോടെയാണ് അപ്രാപ്യമെന്ന് വിലയിരുത്തപ്പെട്ട സച്ചിന്‍റെ റെക്കോഡിന് ഒപ്പം കിങ് കോലി പിടിച്ചത് (Virat Kohli equals Sachin Tendulkar in odi century record ).
നിലവില്‍ ഇരുവരുടേയും അക്കൗണ്ടില്‍ 49 സെഞ്ചുറികളാണുള്ളത് (Virat Kohli ODI Century). ഇനി ഒരു സെഞ്ചുറി കൂടി നേടിയാല്‍ ഏകദിനത്തില്‍ ഏറ്റവും കൂടുതല്‍ സെഞ്ചുറികളെന്ന റെക്കോഡ് കോലിയ്‌ക്ക് ഒറ്റയ്‌ക്ക് സ്വന്തമാക്കാം. ദക്ഷിണാഫ്രിക്കയ്‌ക്ക് (India vs South Africa) എതിരെ ഏറെ ശ്രദ്ധയോടെയായിരുന്നു വിരാട് കോലി തന്‍റെ ഇന്നിങ്‌സ് മുന്നോട്ട് നയിച്ചത്.
67 പന്തുകളില്‍ അര്‍ധ സെഞ്ചുറി തികച്ച കോലി ആകെ 119 പന്തുകളിലാണ് മൂന്നക്കം തൊട്ടത്. 10 ബൗണ്ടറികളായിരുന്നു സെഞ്ചുറി തികയ്‌ക്കും വരെ കോലി അടിച്ചിരുന്നത്. കരിയറിലെ 277-ാമത്തെ ഇന്നിങ്‌സില്‍ നിന്നാണ് കോലി തന്‍റെ 49-ാം ഏകദിന സെഞ്ചുറി നേടിയത്.
425 ഇന്നിങ്‌സുകളാണ് സച്ചിന്‍ ഏകദിന കരിയറില്‍ കളിച്ചിട്ടുള്ളത്. ഇന്ത്യന്‍ ക്യാപ്റ്റന്‍ രോഹിത് ശര്‍മ (31 സെഞ്ചുറികള്‍) ഓസ്‌ട്രേലിയയുടെ മുന്‍ നായകന്‍ റിക്കി പോണ്ടിങ് (30), ശ്രീലങ്കയുടെ മുന്‍ താരം സനത് ജയസൂര്യ (28) എന്നിവരാണ് ഇരുവര്‍ക്കും പിന്നിലുള്ളത്.
ALSO READ: നെയ്‌ത 'നൂറുകള്‍' ചരിത്ര നേട്ടത്തിനരികെ ; റണ്‍വേട്ടയിലെ 'കോലി കല'
തന്‍റെ 35-ാം പിറന്നാള്‍ ദിനത്തില്‍ കൂടിയാണ് കോലി സച്ചിന്‍റെ ഒപ്പമെത്തിയിരിക്കുന്നത്. പിറന്നാള്‍ ദിനത്തില്‍ സെഞ്ചുറി നേടുന്ന മൂന്നാമത്തെ മാത്രം ഇന്ത്യന്‍ താരം കൂടിയാണ് കിങ് കോലി. 1993-ല്‍ തന്‍റെ 21-ാം പിറന്നാള്‍ ദിനത്തില്‍ വിനോദ് കാംബ്ലിയും 1998-ല്‍ തന്‍റെ 25-ാം പിറന്നാള്‍ ദിനത്തില്‍ സച്ചിന്‍ ടെണ്ടുല്‍ക്കറുമാണ് നേരത്തെ ഈ അപൂര്‍വ നേട്ടം സ്വന്തമാക്കിയ താരങ്ങള്‍.
ALSO READ: തലങ്ങും വിലങ്ങും പന്തുപായിക്കുന്ന ആക്രമണോത്സുകത ; 'കോലിയാട്ട'ത്തിന്‍റെ ചൂടറിഞ്ഞ ബോളര്‍മാരെത്ര
ദക്ഷിണാഫ്രിക്ക (പ്ലേയിങ് ഇലവൻ): ക്വിന്‍റൺ ഡി കോക്ക് (ഡബ്ല്യു), ടെംബ ബവുമ (സി), റാസി വാൻ ഡെർ ഡസ്സെൻ, എയ്‌ഡൻ മാർക്രം, ഹെൻറിച്ച് ക്ലാസെൻ, ഡേവിഡ് മില്ലർ, മാർകോ ജാൻസൻ, കേശവ് മഹാരാജ്, തബ്രൈസ് ഷംസി, കാഗിസോ റബാഡ, ലുങ്കി എൻഗിഡി
ഇന്ത്യ (പ്ലേയിങ് ഇലവൻ): രോഹിത് ശർമ (സി), ശുഭ്‌മാൻ ഗിൽ, വിരാട് കോലി, ശ്രേയസ് അയ്യർ, കെഎൽ രാഹുൽ (ഡബ്ല്യു), സൂര്യകുമാർ യാദവ്, രവീന്ദ്ര ജഡേജ, മുഹമ്മദ് ഷമി, ജസ്പ്രീത് ബുംറ, കുൽദീപ് യാദവ്, മുഹമ്മദ് സിറാജ്.
