വിജയ് സേതുപതിയും തപ്സി പന്നുവും കേന്ദ്രകഥാപാത്രങ്ങളാകുന്ന 'അനബൽ സേതുപതി'യുടെ ട്രെയ്‌ലര്‍ റിലീസ് ചെയ്‌തു. തമിഴിന് പുറമെ മലയാളത്തിലും തെലുങ്കിലും കന്നഡയിലും ഹിന്ദിയിലുമാണ് ട്രെയ്‌ലര്‍.
മലയാളത്തിൽ മോഹൻലാലും തമിഴിൽ സൂര്യയും തെലുങ്കിൽ വെങ്കടേഷുമാണ് ഇത് പുറത്തിറക്കിയത്. ഹൊറർ- കോമഡിയായി ഒരുക്കുന്ന അനബൽ സേതുപതിയിൽ യോഗി ബാബു, രാധിക ശരത്‍കുമാര്‍, രാജേന്ദ്ര പ്രസാദ് എന്നിവരാണ് മറ്റ് പ്രധാന താരങ്ങൾ.
- " class="align-text-top noRightClick twitterSection" data="">
നടനും സംവിധായകനുമായ ആർ. സുന്ദർരാജന്‍റെ മകൻ ദീപക് സുന്ദർരാജനാണ് ചിത്രം സംവിധാനം ചെയ്യുന്നത്.
ദീപക് തന്നെയാണ് അനബൽ സേതുപതിയുടെ തിരക്കഥ രചിച്ചിരിക്കുന്നത്. ഗൗതം ജോർജ് ഛായാഗ്രഹണം നിർവഹിക്കുന്ന ചിത്രത്തിന്‍റെ എഡിറ്റർ പ്രദീപ് ഇ. രാഘവ് ആണ്.
More Read: അനബല്ലയായി തപ്സി പന്നു, ഒപ്പം മക്കൾ സെൽവൻ സേതുപതി ; ഫസ്റ്റ് ലുക്കും റിലീസ് തിയ്യതിയും പുറത്ത്
പാഷന്‍ സ്റ്റുഡിയോസിന്‍റെ ബാനറിൽ സുധൻ സുന്ദരവും ജി.ജയറാമും ചേർന്ന് നിർമിക്കുന്ന അനബൽ സേതുപതി സെപ്‌തംബര്‍ 17ന് ഡിസ്‌നി പ്ലസ് ഹോട്ട്സ്റ്റാറിലൂടെ പ്രദർശനത്തിനെത്തും.
