നിങ്ങള്‍ രണ്ട് വിരലുകള്‍ ഒരാള്‍ക്ക് നേരെ ചൂണ്ടുമ്പോൾ, മൂന്ന് വിരലുകൾ നിങ്ങളിലേക്ക് ചൂണ്ടും: ബോഡി ഷെയിമിങ്ങിനെതിരെ സനുഷ

തന്‍റെ തടിയെക്കുറിച്ച് ആരും വ്യാകുലപ്പെടേണ്ടെന്ന് കുറിച്ചുകൊണ്ട് ബോഡി ഷെയിമിങ്ങിനെതിരെ സനുഷ സന്തോഷ് പ്രതികരിച്ചു.

ബാലതാരമായി തുടക്കം കുറിച്ച് പിന്നീട് നായികയായും സുപരിചിതയായ നടിയാണ് സനുഷ സന്തോഷ്. മീശമാധവൻ, മാമ്പഴക്കാലം, കാഴ്ച തുടങ്ങി സൂപ്പർഹിറ്റ് ചിത്രങ്ങളിൽ നായികയുടെ ചെറുപ്പകാലം അവതരിപ്പിച്ചും പ്രധാന കഥാപാത്രങ്ങളുടെ മകളായി അഭിനയിച്ചും സനുഷ മലയാളികളുടെ പ്രിയങ്കരിയായി. പിന്നീട്, സക്കറിയയുടെ ഗർഭിണികൾ, ഒരു മുറൈ വന്ത് പാർത്തായ, മിസ്റ്റർ മരുമകൻ ചിത്രങ്ങളിൽ കേന്ദ്രകഥാങ്ങളെയും അവതരിപ്പിച്ചു.

• " class="align-text-top noRightClick twitterSection" data="">

പലപ്പോഴും സമൂഹമാധ്യമങ്ങളിലൂടെ തന്‍റെ അഭിപ്രായങ്ങളും നിലപാടുകളും വ്യക്തമാക്കുന്ന താരം കൂടിയാണ് സനുഷ സന്തോഷ്. ഇപ്പോഴിതാ തനിക്ക് നേരെ നടക്കുന്ന ബോഡി ഷെയിമിങ്ങിനെതിരെയാണ് നടിയുടെ പ്രതികരണം. തന്‍റെ തടിയെക്കുറിച്ച് ആരും വ്യാകുലപ്പെടേണ്ടെന്ന് സനുഷ ഫേസ്ബുക്കിലൂടെ പറഞ്ഞു.

സനുഷയുടെ ഫേസ്ബുക്ക് കുറിപ്പ്

'അതെ, എന്‍റെ തടിയെക്കുറിച്ച് പരാമർശിക്കുന്നവരോടും വ്യാകുലപ്പെടുന്നവരോടും. ശരീരഭാരം കുറഞ്ഞ് സൗന്ദര്യമുള്ളവരായി എല്ലാക്കാലത്തും നിലനില്‍ക്കാനാവില്ല. മറ്റൊരാളെ ബോഡി ഷെയിമിങ്ങിലൂടെ ‘ചൊറിയാന്‍ താല്‍പ്പര്യമുള്ളവരാണ് നിങ്ങളെങ്കില്‍ ഒന്നോര്‍ക്കുക, നിങ്ങള്‍ രണ്ട് വിരലുകള്‍ ഒരാള്‍ക്ക് നേരെ ചൂണ്ടുമ്പോള്‍ മൂന്നു വിരലുകള്‍ നിങ്ങളിലേക്കാണ് ചൂണ്ടുന്നത്. എല്ലാം തികഞ്ഞവരല്ല ആരും എന്ന കാര്യം ഓർമിക്കുക' എന്നാണ് സനുഷ ഫേസ്ബുക്ക് പോസ്റ്റിലൂടെ ബോഡി ഷെയിമിങ് നടത്തുന്നവർക്കുള്ള മറുപടിയായി കുറിച്ചത്.