Ee Raathale video song: ആരാധകര്‍ നാളേറെയായി അക്ഷമരായി കാത്തിരിക്കുന്ന പ്രഭാസ്‌ ചിത്രമാണ് 'രാധേ ശ്യാം'. 'രാധേ ശ്യാമി'ലെ പുതിയ ഗാനം പുറത്തിറങ്ങി. 'ഈ രാധലെ' എന്ന ഗാനമാണ് അണിയറപ്രവര്‍ത്തകര്‍ പുറത്തുവിട്ടിരിക്കുന്നത്‌. മഴയത്തുള്ള ഒരു പ്രണയഗാനമാണിത്‌.
- " class="align-text-top noRightClick twitterSection" data="">
Witness love challenge destiny: 2.19 മിനിറ്റ്‌ ദൈര്‍ഘ്യമുള്ള ഗാനത്തില്‍ പ്രഭാസിന്‍റെയും പൂജ ഹെഗ്‌ഡയുടെയും പ്രണയ രംഗമാണ് ദൃശ്യമാവുക. ഗാനം പുറത്തിറങ്ങി നിമിഷ നേരം കൊണ്ട്‌ തന്നെ പ്രേക്ഷക ശ്രദ്ധ നേടി. ഒരു മണിക്കൂര്‍ പിന്നിടുമ്പോള്‍ അഞ്ച്‌ ലക്ഷത്തിലധികം പേരാണ് ഗാനം കണ്ടിരിക്കുന്നത്‌. യുവന്‍ ശങ്കര്‍ രാജ, ഹരിണി ഇവതുരി എന്നിവര്‍ ചേര്‍ന്നാണ് ഗാനാലാപനം. കൃഷ്‌ണ കാന്തിന്‍റെ വരികള്‍ക്ക്‌ ജസ്‌റ്റിന്‍ പ്രഭാകരന്‍ ആണ് സംഗീതം.
Ee Raathale song promo: കഴിഞ്ഞ ദിവസം 'ഈ രാധലെ'യുടെ പ്രൊമോ വീഡിയോ അണിയറപ്രവര്‍ത്തകര്‍ പുറത്തുവിട്ടിരുന്നു. പ്രൊമോ വീഡിയോയിലൂടെയാണ് ഗാനത്തിന്‍റെ റിലീസ്‌ തീയതി അണിയറപ്രവര്‍ത്തകര്‍ ആരാധകരെ അറിയിച്ചത്‌.
Radhe Shyam release: മാര്‍ച്ച്‌ 11നാണ് ചിത്രം തിയേറ്ററുകളിലെത്തുക. നേരത്തെ ജനുവരി 14ന്‌ റിലീസ്‌ ചെയ്യാന്‍ നിശ്ചയിച്ചിരുന്നെങ്കിലും, കൊവിഡ്‌ സാഹചര്യത്തില്‍ ചിത്രത്തിന്‍റെ റിലീസ്‌ നീട്ടിവച്ചിരുന്നു. മലയാളം, തമിഴ്‌, തെലുങ്ക്, കന്നഡ, ഹിന്ദി എന്നീ ഭാഷകളിലായി ചിത്രം റിലീസ്‌ ചെയ്യും.
Radhe Shyam cast and crew: പ്രഭാസും പൂജ ഹെഗ്‌ഡെയും നായിക നായകന്‍മാരായെത്തുന്ന റൊമാന്‍റിക്‌ പീരീഡ്‌ ഡ്രാമയാണ് 'രാധേ ശ്യാം'. പ്രേരണ എന്ന കഥാപാത്രത്തെയാണ് ചിത്രത്തില്‍ പൂജ ഹെഗ്‌ഡെ അവതരിപ്പിക്കുന്നത്‌. ഹസ്‌തരേഖ വിദഗ്‌ധനായ വിക്രമാദിത്യനായി പ്രഭാസും എത്തുന്നു. പ്രേരണയുമായി പ്രണയത്തിലാകുന്ന വിക്രമാദിത്യന്‍റെ കഥയാണ്‌ ചിത്രം പറയുന്നത്‌. ഭൂഷൺ കുമാർ, വംശി, പ്രമോദ് എന്നിവർ ചേർന്നാണ് ചിത്രത്തിന്‍റെ നിര്‍മാണം.
Also Read: അമ്മയുടെ ക്യാന്‍സര്‍ പോരാട്ടത്തെ കുറിച്ച്‌ കാര്‍ത്തിക്‌ ആര്യന്‍; വികാരഭരിതനായി താരം
