കൊവിഡ് കാലത്ത് ദിവസവേതനത്തിന് സിനിമാ മേഖലയില്‍ ജോലി ചെയ്‌തിരുന്ന നിരവധി പേര്‍ക്കാണ് വരുമാനം മുടങ്ങിയത്. സൂപ്പര്‍ താരങ്ങളടക്കമുള്ളവര്‍ പണമായും ഭക്ഷ്യധാന്യങ്ങളായും സഹായം ഇത്തരക്കാരിലേക്ക് എത്തിച്ച് വരികയാണ്.
ഇപ്പോള്‍ ഫെഫ്‌ക മുഖേന സഹപ്രവര്‍ത്തകര്‍ക്ക് കൈത്താങ്ങാവുകയാണ് നടന്‍ പൃഥ്വിരാജ്. ചലച്ചിത്ര തൊഴിലാളി സംഘടനയായഫെഫ്‌കയുടെ കൊവിഡ് സ്വാന്തന പദ്ധതിയിലേക്ക് മൂന്ന് ലക്ഷം രൂപയാണ് പൃഥ്വിരാജ് സംഭാവന നൽകിയത്. ഫെഫ്‌ക ജനറൽ സെക്രട്ടറി ബി. ഉണ്ണികൃഷ്ണൻ സാന്ത്വന പദ്ധതിയുമായി സഹകരിച്ചതിനുള്ള നന്ദി പൃഥ്വിരാജിനെ അറിയിച്ചു.
ഫെഫ്‌കയ്ക്ക് കീഴിലെ 19 യൂണിയനുകളിൽ അംഗങ്ങളായ മലയാള ചലച്ചിത്ര പ്രവർത്തകർക്ക് വേണ്ടി ബൃഹത്തായ സഹായ പദ്ധതികൾ ഫെഫ്‌ക കഴിഞ്ഞ ദിവസം പ്രഖ്യാപിച്ചിരുന്നു.
ഫെഫ്‌കയുടെ പ്രധാന പ്രവര്‍ത്തനങ്ങള്‍
- " class="align-text-top noRightClick twitterSection" data="">
ആശുപത്രികളില്‍ ചികിത്സയില്‍ കഴിയുന്ന കൊവിഡ് ബാധിതർക്ക് ധനസഹായം, കൊവിഡ് മെഡിക്കൽ കിറ്റ്, അംഗങ്ങൾക്കും കുടുംബാംഗങ്ങൾക്കും ജീവൻ രക്ഷാ മരുന്നുകളുടെ സൗജന്യ വിതരണം, കുട്ടികളുടെ പഠന സാമഗ്രികൾ വാങ്ങാനുള്ള സഹായം, കൊവിഡ് മൂലം മരണമടയുന്ന അംഗങ്ങളുടെ കുടുംബത്തിന് അമ്പതിനായിരം രൂപ, ആവശ്യമെങ്കിൽ ആശ്രിതർക്ക് സംഘടനാ അംഗത്വം, ജോലി എന്നിവയാണ് അവയില്‍ പ്രധാനപ്പെട്ടത്. പൃഥ്വിരാജിന് പുറമെ നിര്‍മാതാവ് ഫിലിപ്പോസ്.കെ.ജോസഫും ധനസഹായം നല്‍കിയിരുന്നു.
Also read: സ്റ്റെപ്പ് പെര്‍ഫെക്ട് ഓകെ', അടിപൊളി ലുക്കില്‍ നൈസല്‍ മച്ചാന്‍
