പൃഥ്വിരാജിന്‍റെ ഇൻവെസ്റ്റിഗേഷൻ ത്രില്ലർ 'കോൾഡ് കേസി'ന്‍റെ ട്രെയിലർ പുറത്തിറങ്ങി. പ്രശസ്ത ഛായാഗ്രാഹകൻ തനു ബാലക് ആദ്യമായി സംവിധാനം ചെയ്യുന്ന ചിത്രത്തിൽ അരുവി എന്ന തമിഴ് ചിത്രത്തിലൂടെ സുപരിചിതയായ അതിഥി ബാലനാണ് മറ്റൊരു കേന്ദ്രകഥാപാത്രത്തെ അവതരിപ്പിക്കുന്നത്. അയ്യപ്പനും കോശിയും ചിത്രത്തിന് ശേഷം അനിൽ നെടുമങ്ങാട് വീണ്ടും പൊലീസ് വേഷത്തിൽ എത്തുന്ന ചിത്രം കൂടിയാണിത്.
ശ്രീനാഥ് വി. നാഥാണ് കോൾഡ് കേസിന്‍റെ തിരക്കഥാകൃത്ത്. പൃഥ്വിരാജാണ് എസിപി സത്യരാജെന്ന അന്വേഷണ ഉദ്യോഗസ്ഥനെ അവതരിപ്പിക്കുന്നത്. മാധ്യമപ്രവർത്തക മേധാ പത്മജയുടെ വേഷത്തിൽ അതിഥി ബാലൻ എത്തുന്നു.
- " class="align-text-top noRightClick twitterSection" data="">
More Read: നിഗൂഢതകളുടെ ചുരുളഴിയാന്‍ ഇനി 11 നാളുകള്‍
ലക്ഷ്മി പ്രിയ, അലെൻസിയർ, ആത്മിയ എന്നിവരാണ് കോൾഡ് കേസിലെ മറ്റ് പ്രധാന താരങ്ങൾ. ആന്‍റോ ജോസഫ്, ജോമോൻ ടി. ജോൺ, ഷമീർ മുഹമ്മദ് എന്നിവർ ചേർന്നാണ് ചിത്രം നിർമിച്ചിരിക്കുന്നത്. ഇന്ത്യയുൾപ്പെടെ 240 രാജ്യങ്ങളിലായി ആമസോൺ പ്രൈം വീഡിയോയിലൂടെ ജൂൺ 30ന് ചിത്രം റിലീസിനെത്തും.
