നര്‍ത്തകി മേതില്‍ ദേവികയുടെ ഫേസ്ബുക്ക് അക്കൗണ്ട് ഹാക്ക് ചെയ്യപ്പെട്ടു. തന്‍റെ ഫേസ്ബുക്ക് പേജ് ഹാക്ക് ചെയ്യപ്പെട്ടുവെന്ന് മേതിൽ ദേവിക തന്നെയാണ് സമൂഹമാധ്യമങ്ങളിലൂടെ അറിയിച്ചത്. പേജിലുണ്ടായിരുന്ന വീഡിയോ നഷ്‌ടപ്പെട്ടുവെന്നും എന്തെങ്കിലും മെസേജുകൾ വന്നാൽ അത് തന്നെ അറിയിക്കണമെന്നും താരം പോസ്റ്റിൽ പറഞ്ഞു.
- " class="align-text-top noRightClick twitterSection" data="">
'എന്താണ് സംഭവിക്കുന്നത് എന്ന് എനിക്ക് അറിയില്ല. വീഡിയോകള്‍ കാണുന്നില്ല. അറിയാതെ ലൈവ് പോകുന്നു. എന്തെങ്കിലും സന്ദേശങ്ങള്‍ വന്നാല്‍ എന്നെ അറിയിക്കണം,' എന്ന് ദേവിക പറഞ്ഞു. ഫേസ്ബുക്ക് അക്കൗണ്ട് വീണ്ടെടുക്കാൻ ശ്രമിച്ചുകൊണ്ടിരിക്കുകയാണെന്നും മേതില്‍ ദേവിക പറഞ്ഞു.
Also Read: വിവാഹമോചനം; മുകേഷിന് മേതിൽ ദേവികയുടെ വക്കീൽ നോട്ടീസ്
പതിവില്ലാതെ ഇന്ന് രാവിലെ 11 മണിക്ക് താരത്തിന്‍റെ അക്കൗണ്ടിൽ നിന്ന് ലൈവുകൾ വന്നിരുന്നു. കൂടാതെ, 2021ല്‍ മേതില്‍ ദേവിക പങ്കുവച്ച വീഡിയോകളും പോസ്റ്റുകളും പേജില്‍ നിന്ന് നഷ്‌ടമായിട്ടുണ്ട്. അടുത്തിടെ നടൻ അനൂപ് മേനോന്‍റെയും ഫേസ്ബുക്ക് പേജ് ഹാക്ക് ചെയ്യപ്പെട്ടിരുന്നു. കുറച്ച് ദിവസങ്ങൾക്കകം പേജ് വീണ്ടെടുത്തെങ്കിലും ഫോളോവേഴ്‌സിനെ ഭൂരിഭാഗവും നഷ്‌ടമായി.
