തമ്പി എന്ന ജീത്തു ജോസഫ് ചിത്രത്തിന് ശേഷം ജ്യോതിക കേന്ദ്രകഥാപാത്രത്തെ അവതരിപ്പിക്കുന്ന ത്രില്ലര്‍ ചിത്രം പൊന്മകള്‍ വന്താലിന്‍റെ ട്രെയിലര്‍ പുറത്തിറങ്ങി. തമിഴില്‍ നിന്ന് ആദ്യമായി ഒടിടി റിലീസിനൊരുങ്ങുന്ന ചിത്രമെന്ന പേരില്‍ നിരവധി വിവാദങ്ങളും ചര്‍ച്ചകളും ചിത്രത്തിന്‍റെ പേരില്‍ നടന്നിരുന്നു. ട്രെയിലര്‍ റിലീസ് ചെയ്ത് ഒരു ദിവസം പിന്നിടുമ്പോള്‍ 72 ലക്ഷം ആളുകള്‍ ട്രെയിലര്‍ യുട്യൂബില്‍ മാത്രം കണ്ടുകഴിഞ്ഞു. നടന്‍ സൂര്യ നിര്‍മിച്ച ചിത്രത്തില്‍ മറ്റൊരു പ്രധാനകഥാപാത്രത്തെ അവതരിപ്പിച്ചിരിക്കുന്നത് പാര്‍ഥിപനാണ്.
- " class="align-text-top noRightClick twitterSection" data="">
വിവാദമായ കേസില്‍ നീതി കണ്ടെത്താന്‍ ശ്രമിക്കുന്ന വക്കീല്‍ വെണ്ബിനെയാണ് ജ്യോതിക അവതരിപ്പിച്ചിരിക്കുന്നത്. കെ. ഭാഗ്യരാജ്, പ്രതാപ് പോത്തന്‍, പാര്‍ഥിപന്‍, പാണ്ഡി രാജന്‍ തുടങ്ങിയവരും മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നു. ജെ.ജെ ഫെഡ്രിക്കാണ് ചിത്രം സംവിധാനം ചെയ്തിരിക്കുന്നത്. ഏപ്രില്‍ 27ന് തിയേറ്റര്‍ റിലീസ് തീരുമാനിച്ച പൊന്മകള്‍ വന്താലിന്‍റെ പ്രദര്‍ശനാവകാശം ആമസോണ്‍ പ്രൈം വീഡിയോ വാങ്ങുകയായിരുന്നു. മെയ് 29ന് ചിത്രം ആമസോണില്‍ സ്ട്രീം ചെയ്ത് തുടങ്ങും.
