Monster Pooja video: 'പുലിമുരുകന്' ശേഷം മറ്റൊരു ബ്ലോക്‌ബസ്‌റ്ററിനായുള്ള കാത്തിരിപ്പിലാണ് നാളേറെയായി മോഹന്‍ലാല്‍ ആരാധകര്‍. പ്രഖ്യാപനം മുതല്‍ തന്നെ ഏറെ പ്രേക്ഷക ശ്രദ്ധ നേടിയ ചിത്രമാണ് മോഹന്‍ലാല്‍-വൈശാഖ് കൂട്ടുകെട്ടിലൊരുങ്ങുന്ന 'മോണ്‍സ്‌റ്റര്‍'. ഇപ്പോള്‍ 'മോണ്‍സ്‌റ്ററി'ന്‍റെ പൂജ വീഡിയോ അണിയറപ്രവര്‍ത്തകര്‍ പുറത്തുവിട്ടിരിക്കുകയാണ്. മോണ്‍സ്‌റ്റര്‍ ലുക്കിലാണ് വീഡിയോയില്‍ മോഹന്‍ലാല്‍ പ്രത്യക്ഷപ്പെടുന്നത്.
- " class="align-text-top noRightClick twitterSection" data="">
Monster shooting: കഴിഞ്ഞ വര്‍ഷം നവംബറില്‍ ചിത്രത്തിന്‍റെ ഷൂട്ടിങ്‌ ആരംഭിച്ചിരുന്നു. 'പുലിമുരുകന്' ടീം വീണ്ടും ഒന്നിക്കുന്ന ചിത്രം വരുന്നതായി 2019 ഒക്‌ടോബറിലാണ് ആദ്യം വാര്‍ത്തകള്‍ പുറത്തുവന്നത്‌. എന്നാല്‍ കഴിഞ്ഞ മാസമാണ് ഇതുസംബന്ധിച്ച വിവരം പുറത്തുവരുന്നത്‌. 'മരക്കാര്‍' ഉള്‍പ്പടെ ആശിര്വാദ് സിനിമാസ്‌ നിര്‍മിക്കുന്ന ഒടിടി റിലീസായി തീരുമാനിക്കപ്പെട്ടിരിക്കുന്ന അഞ്ച്‌ മോഹന്‍ലാല്‍ ചിത്രങ്ങളിലൊന്നാണ് 'മോണ്‍സ്‌റ്റര്‍'.
Mohanlal as Lucky Singh in Monster: ലക്കി സിങ്‌ എന്ന കഥാപാത്രത്തെയാണ് ചിത്രത്തില്‍ മോഹന്‍ലാല്‍ അവതരിപ്പിക്കുന്നത്‌. പ്രേക്ഷകര്‍ ഇതുവരെ കാണാത്ത ഗെറ്റപ്പിലാണ് ചിത്രത്തില്‍ മോഹന്‍ലാല്‍ പ്രത്യക്ഷപ്പെടുന്നത്. സിഖ് തലപ്പാവ് ധരിച്ച് തോക്കും തിരകളുമായി ഇരിക്കുന്ന ചിത്രത്തിലെ മോഹന്‍ലാലിന്‍റെ ഫസ്‌റ്റ്‌ലുക്ക്‌ നേരത്തെ പുറത്തിറങ്ങിയിരുന്നു.
Monster cast and crew: ആശിര്വാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂരാണ് നിര്‍മാണം. 'പുലിമുരുകന്‍റെ' തിരക്കഥാകൃത്ത് ഉദയ്‌ കൃഷ്‌ണയാണ് ചിത്രത്തിന്‍റെ രചന. സതീഷ് കുറുപ്പ് ഛായാഗ്രഹണവും ഷമീര്‍ മുഹമ്മദ് എഡിറ്റിങ്ങും നിര്‍വഹിക്കും. ദീപക് ദേവാണ് സംഗീതം. സ്‌റ്റന്‍ഡ് സില്‍വ ആക്ഷനും, ഷാജി നടുവില്‍ ആര്‍ട്ടും, സുജിത്ത് സുധാകരന്‍ വസ്‌ത്രാലങ്കാരവും നിര്‍വഹിക്കും.
'പുലിമുരുകന്' ടീം വീണ്ടും ഒന്നിക്കുമെന്ന് നേരത്തേതന്നെ വാര്‍ത്തകള്‍ വന്നിരുന്നു. പുലിമുരുകന്‍റെ വിജയത്തിന് ശേഷം പഴയ ടീമിനെ ഒരിക്കല്‍ കൂടി ബിഗ് സ്ക്രീനില്‍ കാണാന്‍ പ്രേക്ഷകരും കാത്തിരിക്കുകയാണ്. ബോക്‌സ്ഓഫീസ് ചരിത്രത്തില്‍ ആദ്യത്തെ 100 കോടി ക്ലബ്ബില്‍ ഇടംപിടിച്ച മലയാളത്തിലെ ആദ്യ ചിത്രമാണ് 'പുലിമുരുകന്'.
Also Read: 'മോന്‍ മനസ്സിക്കണ്ടപ്പ ഞാന്‍ മട്ടാഞ്ചേരീക്കണ്ട്‌'; പുതിയ പരീക്ഷണം നടത്തി മമ്മൂട്ടിയും കൂട്ടരും
