വാഷിങ്ടൺ: ജസ്റ്റിൻ ബീബറിന്‍റെയും ഹെയ്‌ലി ബാൾഡ്‌വിന്‍റെയും വിവാഹ ചിത്രങ്ങൾ ഓർമ്മപ്പെടുത്തുന്നത് ഫാന്‍റസി കഥകളിലെ നായികാ- നായകന്മാരെയാണ്. ബീബറും ഹെയ്‌ലിയും തമ്മിലുള്ള രണ്ടാം വിവാഹം കഴിഞ്ഞ മാസം മുപ്പതിനായിരുന്നു.
കഴിഞ്ഞ വർഷം ന്യൂയോർക്ക് സിറ്റിയിൽ വച്ചാണ് ഇരുവരും ആദ്യമായി വിവാഹിതരായത്. മോഡലായ ഹെയ്‌ലി ബാൾഡ്‌വിനാണ് വിവാഹ ഫോട്ടോ സമൂഹമാധ്യമങ്ങളിലൂടെ പങ്കുവച്ചത്.
വെളുത്ത ഗൗണില്‍ വധു വേഷത്തിലുള്ള ഹെയ്‌ലിയും ജസ്റ്റിൻ ബീബറും തമ്മിലുള്ള റൊമാന്‍റിക് ചിത്രങ്ങൾ സ്വപ്ന തുല്യമായ വിവാഹ മുഹൂർത്തങ്ങളെ അനുസ്മരിപ്പിക്കുന്നു.
"മരണം വരെയും പിരിയില്ലെന്ന്" പ്രിന്‍റ് ചെയ്തിരിക്കുന്ന എംബ്രൊയിഡറി വസ്ത്രമായിരുന്നു വധുവിന്‍റേത്.
ബീബറും ഹെയ്‌ലിയും തമ്മിലുള്ള വിവാഹ ചുംബനവും പരസ്പരം കൈ കോർത്ത് നിൽക്കുന്ന ചിത്രങ്ങളും സമൂഹ മാധ്യമങ്ങളിൽ വൈറലാണ്.
