2019ല്‍ ധ്യാന്‍ ശ്രീനിവാസന്‍റെ സംവിധാനത്തില്‍ റിലീസിനെത്തിയ സിനിമ ലവ് ആക്ഷന്‍ ഡ്രാമയിലെ 'കുടുക്ക് പൊട്ടിയ കുപ്പായം' എന്ന പാട്ട് കേരളക്കരയില്‍ ഉണ്ടാക്കിയ ഓളം ചെറുതല്ല. മനു മഞ്ജിത്തിന്‍റെ വരികള്‍ക്ക് ഷാന്‍ റഹ്മാന്‍ സംഗീതം നല്‍കി വിനീത് ശ്രീനിവാസനാണ് ആലപിച്ചത്.
അജു വര്‍ഗീസും നിവിന്‍ പോളിയും തകര്‍ത്താടിയ പാട്ടിന്‍റെ ലിറിക്കല്‍ വീഡിയോയും പിന്നീട് ഇറങ്ങിയ വീഡിയോയും വൈറലായിരുന്നു. ഗാനത്തിന്‍റെ വീഡിയോയ്ക്ക് ആറ് കോടിയലധികം കാഴ്ചക്കാരെയും ലിറിക്കല്‍ വീഡിയോയ്ക്ക് രണ്ട് കോടിയിലധികം കാഴ്ചക്കാരെയുമാണ് യുട്യൂബില്‍ മാത്രം ലഭിച്ചത്.
- " class="align-text-top noRightClick twitterSection" data="
">
പുറമെ ആരാധകര്‍ ഒരുക്കിയ ഒട്ടനവധി കവര്‍ വീഡിയോകളും ഈ പാട്ടിനുണ്ട്. കേരളവും ഇന്ത്യയും വിട്ട് ഈ തട്ടുപൊളിപ്പന്‍ കുടുക്ക് പാട്ട് ഇപ്പോള്‍ ഹോളിവുഡിലും ആരാധകരെ സമ്പാദിച്ചിരിക്കുകയാണ്.
പാട്ടിറിങ്ങി രണ്ട് വര്‍ഷം പിന്നിടുമ്പോള്‍ അമേരിക്കന്‍ നടനും ഓസ്‌കര്‍ ജേതാവുമായ ജേര്‍ഡ് ലെറ്റോ പങ്കുവച്ച ഫോട്ടോ ബോംബ് വീഡിയോയിലൂടെ കുടുക്ക് പാട്ട് ഹോളിവുഡും കീഴടക്കുകയാണ്.
പ്രിയപ്പെട്ടവര്‍ക്കൊപ്പമുള്ള ചിത്രങ്ങള്‍ കോര്‍ത്തിണക്കിയ ജേര്‍ഡ് ലെറ്റോയുടെ ഫോട്ടോ ബോംബിന് പശ്ചാത്തല സംഗീതമായാണ് അദ്ദേഹം പാട്ട് ഉപയോഗിച്ചിരിക്കുന്നത്.
സന്തോഷം അടക്കാനാകാതെ കുടുക്ക് ടീം
ജേര്‍ഡ് ലെറ്റോ പങ്കുവെച്ച പുത്തന്‍ ഇന്‍സ്റ്റഗ്രാം വീഡിയോ കണ്ട് 'പൊന്നുമക്കളേ ഓടി വാ' എന്നാണ് സന്തോഷം അടക്കനാവാതെ വിനീത് ശ്രീനിവാസന്‍ കുറിച്ചത്. 'ഈ വീഡിയോ തനിക്ക് അതിമനോഹരമായ ദിവസം സമ്മാനിച്ചുവെന്നും' വിനീത് ജേര്‍ഡ് ലെറ്റോയുടെ വീഡിയോയ്ക്ക് താഴെ കുറിച്ചു.
ജേര്‍ഡ് ലെറ്റോയ്ക്ക് നന്ദി പറഞ്ഞ്, പാട്ടിന് സംഗീതം നല്‍കിയ ഷാന്‍ റഹ്മാനും പാട്ടില്‍ അഭിനയിച്ച അജു വര്‍ഗീസും എത്തി. ഇപ്പോള്‍ ജേര്‍ഡ് ലെറ്റോയുടെ വീഡിയോയ്ക്ക് താഴെ മലയാളികളുടെ കമന്റുകള്‍ നിറയുകയാണ്.
Also read: 'ബ്രോ ഡാഡി'യെത്തുന്നു; പൃഥ്വിയും ലാലേട്ടനും വീണ്ടും വെള്ളിത്തിരയിൽ
