ദുൽഖറിന്‍റേതായി പുറത്തിറങ്ങാനിരിക്കുന്ന അഞ്ച് സിനിമകളുടെ വിശേഷങ്ങളാണ് തന്‍റെ പിറന്നാൾ ദിനത്തിൽ ദുൽഖർ സൽമാൻ പങ്കുവച്ചത്. നേരത്തെ പ്രഖ്യാപനം നടന്ന, പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന കുറുപ്പ്, റോഷൻ ആൻഡ്രൂസ് ചിത്രം സല്യൂട്ട് എന്നിവ അടക്കം അഞ്ച് ചിത്രങ്ങളാണ് ദുൽഖർ പ്രഖ്യാപിച്ചത്.
- " class="align-text-top noRightClick twitterSection" data="
">
സൗബിൻ ഷാഹിറിന്‍റെ രണ്ടാമത്തെ സംവിധാനത്തിൽ പുറത്തിറങ്ങുന്ന ഓതിരം കടകം, കിങ്ങ് ഓഫ് കൊത്ത, തെലുങ്ക്, തമിഴ്, മലയാളം എന്നീ ഭാഷകളിൽ പുറത്തിറങ്ങുന്ന നിലവിൽ പേരിട്ടിട്ടില്ലാത്ത ചിത്രം എന്നിവയാണ് ദുൽഖറിന്‍റെ മറ്റു മൂന്ന് സിനിമകൾ.
വരുന്നു കുറുപ്പ്
- " class="align-text-top noRightClick twitterSection" data="
">
മലയാളം, തമിഴ്, തെലുങ്ക്, ഹിന്ദി, കന്നട എന്നീ അഞ്ച് ഭാഷകളിൽ പുറത്തിറങ്ങുന്ന പാൻ ഇന്ത്യൻ ചിത്രമായ കുറുപ്പ് ദുൽഖറിന്‍റെ കരിയറിലെ തന്നെ ഏറ്റവും വലിയ ബഡ്‌ജറ്റിൽ ഒരുങ്ങുന്ന ചിത്രമാണ്. 35 കോടിയാണ് ചിത്രത്തിന്‍റെ മുതൽമുടക്ക്. ദുൽഖറിന്‍റെ ആദ്യ സിനിമയായ സെക്കൻഡ് ഷോയുടെ സംവിധായകനായ ശ്രീനാഥ് രാജേന്ദ്രൻ ആണ് കുറുപ്പ് സംവിധാനം ചെയ്യുന്നത്. ചിത്രം റിലീസിന് ഒരുങ്ങുകയാണെന്നും ഉടൻതന്നെ പ്രേക്ഷകരിലേക്ക് എത്തുമെന്നുമാണ് ചിത്രത്തിന്‍റെ പുതിയ പോസ്റ്റർ പുറത്തുവിട്ടുകൊണ്ട് ദുൽഖർ അറിയിച്ചത്. ഇതിനുമുൻപ് ഇറങ്ങിയ ചിത്രത്തിന്‍റെ പോസ്റ്ററുകൾക്ക് മികച്ച സ്വീകാര്യതയാണ് ലഭിച്ചത്.
പൊലീസാകാൻ ദുല്‍ഖർ
- " class="align-text-top noRightClick twitterSection" data="
">
ദുൽഖർ സൽമാൻ പൊലീസ് വേഷത്തിലെത്തുന്ന ചിത്രമാണ് റോഷൻ ആൻഡ്രൂസിന്‍റെ സംവിധാനത്തിൽ ഒരുങ്ങുന്ന സല്യൂട്ട്. ചിത്രത്തിന്‍റെ ചിത്രീകരണം ഈയടുത്താണ് പൂർത്തിയായത്. ചിത്രത്തിന്‍റെ മുൻ പോസ്റ്ററിൽ നിന്ന് വ്യത്യസ്തമായി ദുൽഖറിന്‍റെ മുഖം മാത്രമുള്ള പുതിയ പോസ്റ്റർ താരം പുറത്തുവിട്ടു.
ദുൽഖറും സൗബിനും
- " class="align-text-top noRightClick twitterSection" data="
">
സൗബിൻ ഷാഹിറിന്‍റെ സംവിധാനത്തിൽ പുറത്തിറങ്ങുന്ന രണ്ടാമത്തെ ചിത്രമാണ് ഓതിരം കടകം. പറവക്ക് ശേഷം ദുൽഖറും സൗബിനും വീണ്ടും ഒന്നിക്കുന്നുവെന്ന പ്രത്യേകത ഉള്ള ചിത്രമാണ് ഓതിരം കടകം. ചിത്രത്തിന്‍റെ ചിത്രീകരണം തുടങ്ങാനുള്ള കാത്തിരിപ്പിലാണെന്ന് ദുൽഖറിന്‍റെ വ്യത്യസ്ത ലുക്കിലുള്ള പോസ്റ്റർ പങ്കുവച്ചുകൊണ്ട് താരം അറിയിച്ചു. ചിത്രത്തിന്‍റെ കൂടുതൽ വിവരങ്ങൾ ലഭ്യമല്ല.
ജോഷിയുടെ മകനും ദുൽഖറും
- " class="align-text-top noRightClick twitterSection" data="
">
ജോഷിയുടെ മകൻ അഭിലാഷ് ജോഷിയുടെ ആദ്യ സംവിധാനത്തിൽ പുറത്തിറങ്ങുന്ന ചിത്രമാണ് ദുൽഖറിന്‍റെ വരാനിരിക്കുന്ന അടുത്ത ചിത്രം. കിങ്ങ് ഓഫ് കൊത്ത എന്ന് പേരിട്ടിരിക്കുന്ന ചിത്രത്തിന്‍റെ ഫസ്റ്റ് ലുക്ക് പോസ്റ്ററിൽ തോക്ക് പിടിച്ച് നിൽക്കുന്ന ദുൽഖറിന്‍റെ ചിത്രമാണ്. ദുൽഖറിന്‍റെ ഉടമസ്ഥതയിലുള്ള വേഫെറർ ഫിലിംസാണ് ചിത്രത്തിന്‍റെ നിർമാണം. ബാല്യകാല സുഹൃത്തായ അഭിലാഷ് ജോഷിയുമൊത്തുള്ള ഡ്രീം പ്രോജക്ട് ആണ് കിങ്ങ് ഓഫ് കൊത്തയെന്ന് ചിത്രത്തിന്‍റെ ഫസ്റ്റ് ലുക്ക് പോസ്റ്റർ പങ്കിട്ടുകൊണ്ട് ദുൽഖർ പറഞ്ഞു.
പേരില്ലാത്ത പ്രണയകഥ
- " class="align-text-top noRightClick twitterSection" data="">
നിലവിൽ പേരിട്ടിട്ടില്ലാത്ത തെലുങ്ക്, തമിഴ്, മലയാളം ഭാഷകളിൽ പുറത്തിറങ്ങുന്ന ദുൽഖർ ചിത്രം സംവിധാനം ചെയ്യുന്നത് തെലുങ്ക് സംവിധായകൻ ഹാനുരാഘവപുഡി ആണ്. 1960ൽ ജമ്മു കശ്മീരിൽ നടന്ന പ്രണയകഥയാണ് ചിത്രത്തിന്‍റെ പ്രമേയം. ലഫ്റ്റനന്‍റ് റാമിന്‍റെ പ്രണയ കഥ പറയുന്ന ചിത്രത്തിൽ ലെഫ്റ്റനന്‍റ് റാമിനെയാണ് ദുൽഖർ അവതരിപ്പിക്കുന്നത്. പിറന്നാൾ ദിനത്തിൽ പുറത്തിറക്കിയ ചിത്രത്തിന്‍റെ പോസ്റ്റർ താരം പങ്കിട്ടു. അണിയറ പ്രവർത്തകർ പിറന്നാൾ സമ്മാനമായി ലെഫ്റ്റനന്‍റ് റാമിന്‍റെ വീഡിയോ പങ്കിട്ടു.
